Предыдущая публикация
Воспоминание о событии 5 лет назад
•┈••●◆❁ИКМАТЭ ШОИР❁◆●••┈•
Ҷоилта аз ка қадрэ кихьт қиматэ шоир?
Аз дил хунанд фук йед wе рагат хатэ шоир!
Пуралам шоир сина, фук вахт аз ғамат дардь,
Хунова тизд аз ҷигарат тинатэ шоир.
Шоир фук оламэ ғамқатир охьно ю,
Парво яст йечайо, аз ғамат кулфатэ шоир?
Фана заифдидаят кӯр, аранг кӯрхьапарак
Тhӯдта гуноянд аз шарарэ фитратэ шоир.
Сад сирэ ниҳӯнэ ба ар суратэ арф wенд,
Аранг хазинайе пурганҷ йед сиратэ шоир.
Йе сухане wе нисфэ ҷаӯн нист арзанда,
Баландмартаба аз парчамэ дунё хатэ шоир.
Аз кудакэ нодӯн ғайрэ хьувд чиз пехьцам?
Аз оқилэ ухьёр хьикар икматэ шоир!
Ғайрэ панд аз ашъорэ Темур ғараз га нист,
Ғайрэ шеър нист йичиз га, ба Худо, сарватэ шоир.
Темури Худодод 2019.
Следующая публикация
Нет комментариев