Радик и Рауза Муслуховы

18. Хәерниса

Сәлим тутырды чиләген
Балыклар да зур гына
Җыйнады да кармакларын
Китте авыл ягына
Авыл дисән зур түгел ул
Монда бары дачалар
Кич җиттеме капка бикләп
Өйләренә качалар
Озак йөреде Сәлимҗан
Өйләргә карай-карай
Кич җитәрәк очырады
Балыктан кайткан агай
-Аның өе монда түгел
Тау як кече урамда
Өен сатып шунда күчте
Башка юл булмаганга
Авылда бер өй иде дә бит
Салды кордаш Галимьян
Бурасын кайтарткан иде
Караидел ягыннан
Авылда ул өй салулар
Сорай барлык молкәтең
Өйне өй итеп кергәнче
Китә көчең-куатең
Бер ел гына яшәде ул
Бетергәч өйнең эшен
Кайчак уйлап та куясың
Ул тырышты кем өчен?
Өлкән улы Газизьяны
Чыгып китте Себергә
Җае чыгып эш тапкандыр
Калды шунда гомергә
Юраганы

17. Билгесезлек

Өч көн көтсә дә Сәлимҗан
Галиулла кайтмады
Өйгә кайтып китәр өчен
Әллә вакыт тапмады
Өч көн инде Сәлим ялгыз
Юньләп ашамый ашын
Ялгыз хушлана чәй белән
Башка аш ничек барсын
Ялгызлык сорап алынмай
Хәбәрләми килгәнен
Килгәч кешегә күрсәтә
Язмышта язылганын
Я җырлата, я елата
Йокылардан уята
Кимереп бәгъер итеңне
Төрле уйлар уйлата
Ни әйтсәң дә кеше һәр чак
Яшьлек чакны сагына
Уйларда гына булса да
Кайта яшьлек чагына
Мөмкин булса Сәлимҗан да
Кайтыр иде шул чакка
Фәнүзәсен – Мәхәббәтен
Алыр иде кочакка
Сәлимҗаннын тәүге яре
Калырмы хыял уйда
Җанга якын карашларын
Күрер микән тагын да
Ни әйтсәң дә ялгыз башны
Әйтеп булмый тыныч дип
Башларыңда уй бетмәгәч
Кайдан килсен тын