Предыдущая публикация
Воспоминание о событии 6 лет назад
АШЫҠМАСЫ ҒҮМЕР...
***
Ғүмеркәйҙәр, киң даръялар буйлап
Ағым һыуҙар булып ағаһың,
Яҙғы ташҡын кеүек, ҡайсағында,
Ярҙарыңа илтеп ҡағаһың.
Ашыҡмале ғүмер, йөрәктәргә
Һалма әле ғазап уттарын,
Был донъялар үҙе ожмах ҡына,
Һыйланайыҡ эсеп һуттарын.
Ашыҡмале ғүмер, сеү, ашыҡма,
Бер аҙ ғына яйлат ағышың,
Ваҡытлыса килгән ҡунағыңдың
Тирбәтмәле берүк яҙмышын.
Яртылыҡҡа еткәс, ғүмеркәйҙең,
Сыҡма әле булеп юлдарын,
Наҙ һөйөүгә сарсап сабыйҙарың
Иламаһын, һуҙып ҡулдарын.
Иламаһын, ҡайтмаҫ юлға ҡарап
Яңғыҙлыҡты ҡосҡан йәрҙәрең,
Йәшәү йәмен берүк юғалтмале
Кинәнесен юйып йәйҙәрҙең.
Ашыҡмасы ғүмер, йөрәктәргә
Һалма әле ғазап уттарын,
Был донъялар үҙе ожмах ҡына
Һыйланайыҡ эсеп һуттарын.
===========================
Тамара Султанова.
Следующая публикация
Нет комментариев