Предыдущая публикация
Чуркагандан көрө сен,
Бийик сарпта мөөнөттү.
Өзү эле келет деп,
Күтө бербе көмөктү.
Бактысына жаралып,
Келбедиңби бир жандын.
Багындырып жүрөгүн,
Ээлик кылба бөлөктү.
Эркин жүргөн тоо кушун,
Капаска бууп байлаба.
Эл кадырын билбести,
Элчи кылып шайлаба.
Көтөрүлүп зоболоң,
Оргуштасын ар дайым.
Сөз агытып ар кимге,
Жаман сөзүң арнаба.
Көңүл деген назик бу,
Катуу тийсең ал ооруйт.
Кызыл гүлдөй ачылып,
Кайра эле бат соолуйт.
Эч бир жанга жаман сөз,
Айтпа такыр кемсинтип.
Жүрөккө дем арнасаң,
Калаар көңүл жай болуп.
А: Ильязбек Нармаматов.
Присоединяйтесь к ОК, чтобы посмотреть больше фото, видео и найти новых друзей.
Комментарии 31