Предыдущая публикация
Была ў пана любімая дачка Марцыбэла, і ён маёнтак так і назваў – Марцыбэлін
Адзін чалавек, які жыў у тых мясцінах, неяк, запытаў у мяне: “Ці ведаеш ты, чаму Марцыбыліну – клічуць Марцыбылінай?”Піша Уладзімір Скрабатун, краязнаўца.
На карціне: Marcybeła_Zaviša_(Aginskaja)._Марцыбэла_Завіша_(Агінская)_( мастак L._Silvestre,_1724)
-- Не! – кажу. – І, сапраўды, назва -- нейкая незвычайная!
-- Была ў пана любімая дачка Марцыбэла, — кажа суразмоўца,-- і ён свoй маёнтак так і назваў у гонар дачкі – Марцыбэліна!
-- Ну, ладна,-- падумаў я, -- чарговае мясцовае паданне, тыпу таго -- у якім глыбоцкім возеры Напалеон схаваў бочкі з нарабаваным золатам?
Прайшло колькі часу, і я падумаў: “Ну, раз адзін фабрыкант назваў свoй аўтамабіль у гонар сваёй – магчыма, таксама, любімай дачкі Мерсэдэс – “Мерсэдэс”, то, можа, і мясцовае паданне ёсць праўдай?
А як гэта спраўдіць? У дапамогу – Інтэрнэт! Трэба спраўдзіць, усё ж, ці існуе такое жаночае імя наогул?
Вось што “накапаў”! Цытаты:
- -- “Марцыбела Агінская будавала манастыры і пісала вершы” (сайт газеты “Звязда”).
- -- Марцибелла Глебович / Раковская (урожденная Корецкая) родилась в 1590 году.У Марцибеллы было 4 брата и сестры: Изабелла Чарторыйская (урожденная Корецкая) и еще 3 брата и сестры.
- -- Владислав Невярович родился в 1814 или 1815 году в деревне Марцибелишки Минской губернии.
Прадбачу лагічнае пытанне: “Чаму ўсе, і аўтар, таксама, назоў пішуць па рознаму: на шыльдах – Марцэбыліна, Марцибылина, Марцебылино, а на картах пачатку ХХ стагоддзя: польскіх – Marcybelin, нямеціх часоў Першай Сусветнай вайны – госп(одский) д(вор) Marzebjelin?
Польская карта 1920-30-х гг
Нямецкая карта канца ХІХ- пач. ХХ ст
Нямецкай карце, па праўдзе, я не давяраю, бо гэта копія расейскай карты канца ХІХ – пач. ХХ стагоддзя, бо там глыбоцкая вёска Плявокі падпісаная як Блевоки, і на нямецкай – Blewoki. То бок, немцы перадралі сваю карту з расейскай з усімі памылкамі.
Я ж карыстаюся прынцыпам – шляхта, якая заснавала маёнтак (фальварак), ведала, як дакладна пісаць: марЦЫбЭлін, ці марЦЭбЫлін, калі ўжо браць за аснову імя Марцыбэла. То бок, назва Марцыбэлін адказвае на пытанне – чый? Марцыбэлін!
Ад маёнтка пад назовам МАРЦЫБЭЛІН засталіся, хіба, толькі старыя дрэвы.
Следующая публикация
Комментарии 1