Предыдущая публикация
Ончалам фотосӱретым
Шарналтем тунемме жапым
Пӧртылам эрталтше жапыш
Школыш тунемаш пурем
Пуйто лийын тиде таче
Пуренам тунам мый классыш
Вашлиялда шыргыжалын
Парт коклашке ончыктен
Тунемаш шонет гын эрге
Шич тый таче ончыл партыш
Тунемашак тӱҥалат гын
Лият тые марий шӱдыр
Лийын икымше урок
Тыныс илыш верч тӱняште
Математикым палаш
Кумылаҥын кажныжат
Туныктенда шукемдаш
Пайлаш,ушаш,кудалташ
Чын мучашышке лукташ
Илыш корнышко лекмек
Еш пиалым ешараш
Числамат пайлен керташ
Ешыште иктӧр лийяш
Шке,пелашат,икшыват
Сай лиеш илыш корнат
Числамат ушаш кӱлеш
Шершот - огыл,вуй уш ден
Кудалтен мошташланат
Шуко вийым пыштенда
Геометрий урокат
Эре куштылгын эртен
Умылтарен моштенда
Катет ден гипотенуза
Веран верыште шинчен
Бисектриса манмыжат
Угылым чаткан пайлен
Урокышто ик йочат
Лӱшкен огыл,шып шинчен
Классын пырдыж угылжат
Лийын огыл йоча ден
Пален огыл нигӧмат
Шуко лийын йочажат
Класс угылыш, шогалаш
Вашкен огыл ик йочат
Ӱшаненда сӱретлаш
Пырдыж газетым лукташ
Тӱрльӧ слётышто лияш
Мураш, кушташ,чапланаш
Турпоходышко кошташ
Куржталынат ӱчашаш
Классым, вуйлатымылан
Кугу ешан классна ден
Эшеат кугешнена
Туныктенда пешак сайын
Улыда, ава гай, лишыл
Тау, мут дечын кугужым
Каласен ом мошто весым
Тендан поро пашаланда
Мый савем,чалемше вуйым!
17.05.2024г. Леонид Гаврилов
Следующая публикация
Нет комментариев