Республикӑри "Чистые леса Татарстана" акцин шайӗнче Шупашкар участокӗнчи вăрманлăх территорине тасатас енӗпе субботник иртрӗ.
Киремет вӑрманӗн территорине йӑлана кӗнӗ йӗркепе Аксу вăрманлăхӗн, вăрман хуçалăхӗн, Шупашкар участокӗн, Кивӗ Киреметӗн тата спортпа культура учрежденийӗсен ӗҫченӗсем тасатрӗç.
Вӗсем автотрассӑсем хӗррипе ӳсекен вăрмана, вăрмана кӗрес умӗнхи кану вырăнне тирпейлерӗç. Акцие хутшӑнакансем ҫулӑн икӗ енӗпе утса, автомобильсенчн кăларса ывăтнă кӗленчесене, полиэтилен пакетсене михӗсене пухрӗç. Субботник маршручӗ вӑрманти ҫулсемпе те тăсăлчӗ. Пурте хавслă туйăмпа, тӳрӗ кăмăлпа тăрăшрӗç. Мӗнпур ӑпӑр-тапӑра трактор урапи ҫине тиесе, полигона турттарса кайрӗҫ.
Волонтерсем палӑртнӑ тӑрӑх, иртнӗ ҫулсемпе танлаштарсан, хальхинче çӳп-çап сахалтарах.Тен"ҫутҫанталӑка юратакансем" хӑйсен йӑнӑшӗсене ӑнланса илнӗ. Çакă, паллах, савӑнтармасӑр хăварма пултараймасть.
– Ҫутҫанталӑк сыхлавӗн "Чистые леса Татрстана" акцийӗ малалла тӑсӑлать,-терӗ Аксувăрманлăхӗн ертӳҫи Андрей Ильмухин. – Унта пӗтӗм организацисем, кӑмӑлсӑр граждансем, ҫутҫанталӑка чӑн-чӑн юратакансем хутшӑнма пултараҫҫӗ. Акцие мӗн чухлӗ ытларах çын хутшӑнӗҫ, пирӗн вӑрмансем ҫавӑн чухлӗ тасарах пулӗҫ.
Присоединяйтесь к ОК, чтобы посмотреть больше фото, видео и найти новых друзей.
Нет комментариев