Предыдущая публикация
Ә мин шайтан - кирәк чагында.
Мин күбәләк - кояш яратучы,
Тәпи юам ал таң чыгында.
Мин юлбарыс. Кирәк булса әгәр,
Тырнакларым алыр ялтырап.
Мин бер песи, нәни генә әле,
Суык көндә торам калтырап.
Мин бер кояш кемдер күңелендә,
Мәңге сүнмәс, мәңге сүрелмәс.
Кем өчендер йөрәк ярасы мин,
Башкаларга һичбер күренмәс.
Мин гарасат, мин давылның үзе!
Кем уяткан - гаеп үзендә!
Мин бер йолдыз, сөеп караучыга,
Нурым кала аның йөзендә.
Мин - океан. Күңел төпкеленә
Төшеп җитмәс адәм баласы.
Мин бер чишмә. Көем өзелгәнче
Агасы да әле агасы!..
Дания НӘГЫЙМ
#укы
Присоединяйтесь к ОК, чтобы посмотреть больше фото, видео и найти новых друзей.
Нет комментариев