Предыдущая публикация
Qağası
Bir quzudan qırx nəfərə ov olar?
Al bir qaşqa dana saxla, Qağası.
Yedir, içir, nazını çək, qaşovla,
Qoltuğunda şana saxla, Qağası.
Nə burcutma, nə qışqırıb vurma qıy,
Böyüt, bəslə, jmot olma, mala qıy,
Söz vermisən, əməl elə, bud dobrıy,
Əziyyət ver cana, saxla, Qağası.
Sən sairsən, yox sözünün duzutək,
O da gəlib İlahidən ruzutək,
Nəfsini çək, basıb yemə quzutək,
Salma bizi qana, saxla, Qağası.
Çox güvənmə sözündəki nizənə,
Allah haqqı batırarıq dizinə,
Örüş yoxdu, ot qəhətdi, bizə nə,
Salıb cibişdana saxla, Qağası.
Peykimiz var, qulaqdayıq, gözdəyik,
Qaçmaq yoxdu, post qoymuşuq, izdəyik,
Düz bir ilin tamamında Sizdəyik,
Telefonu yana saxla, Qağası...
Следующая публикация
Комментарии 8
İçindəkin biz bilmədik,kim bilə
Gəlib burda bizi salma zibilə
Daha bir il gözləginən Qağası