16-бөлүм.............
Мурун Турцияда иштеп жүргөнүмдө кожоюндун баласы дал ушундай оору менен ооруп, мыкты догдурга көрсөтүшчү. Бирок, ал тубаса болгондуктан айыкпай койгон экен. Бай үй-бүлө болгондуктан аракетин коюшкан эмес. Эже менен сүйлөшүп, ошол эле квартирага барып туруп калдык. Кожоюн менен сүйлөшүп кайра жумушка кирдим. Баласын көрсөткөн догдурларга менин баламды да сүйлөшүүсүн сурандым. Маакул болуп, кезеке койду эле бир айга жетпей кезегим жетип келди. Башында эле акча тууралу сураганда акчам бар деп жооп берген элем. Ошентип балам мыкты адистерге туш келди. Операция кылса балам айыгып кетүүсү толук мүмкүн экенин айтышканда аябай сүйүнүп жүрдүм. Кыргызстанга кайтуу азыр оюбузда да жок, бул жакта жашоо жеңил жүрө беребиз. Апам экөөбүз смендерибизди туштап иштеп жүрдүк. Балам операциядан кийин өзүнө келе баштады, балам бир топ жылдан соң эчнерсе көрбөгөндөй болуп кетти. Мектепке жашы өтүп барды, баламды карасаң тим эле таптаттуу болгон. Тыпылдап түркчө анан англисче так сүйлөйт. Беш жыл өттү арадан, беш жылда сиңдим, апам мен болуп иштеп үй алууга да жетиштик. Перизат күйөөгө тийем дегенинен мекенге кайтып келдик. Баардыгы өзгөрүптүр, бир айда эле даярданып Перизатты күйөөгө узаттык. Перизат күйөөсү болуп Москвага көчүп кетишти. Эсенди Турцияда эле калтырдык, мектебинде жатып окуй бермей болду. Жашоо улана берди, көнүп калгандай эле кичинекей дүкөн иштетип күн көрүп жаттык. Жыл айланбай Перизат төрөп апамды алып кетип калды. Жалгыз калып жаман болдум, көнбөй жатып баламды алып келип алдым. Жакшылык менен телефондо байланышып турдук эле, бир күнү келип кетти. Ошондон эки-үч күн өтүп эле кабар келди. Эрболдун апасы, менин мурунку кайненем каза болуптур. Денесин мени жуусун деп айтып кетиптир. Аманатты аткараалы дешкенби мени айласыз чакырыптыр. Жарыктык менден көңүлү калбаган экен да. Ким сураса дароо айтмакмын менин кайненем ааламда жок, эң мыкты аял деп. Негизи өлгөнгө укпай барбай калсам да, кийин укканда баарыбир куран окутуп бармакмын. Барсам адам аябай көп экен, туугандардан башкалары мени тааныбай карап жатышты. Каникейдин төркүнү менин ким экенимди билет окшойт, аябай жектеп карашты. Жалгыз келин болгондуктан бардык жокту Каникей өзү карап жүрүптүр. Мен барсам кайненемдин сиңдилери боз үйгө отургузуп коюшту, кошок айттырып. Эрболдун бир таежеси мени кайненем кандай жакшы көрөөрүн айтып олтурду. Алар менимче Эсенди алардыкы эмес экенин билишпейт окшойт, баары эле Эсендин акыбалын үзүлүп сурашат. Бир кездерде кайнатам кайненеме алтын билерик алып берген эле, ошондо ошол билерикти өлгөндөн кийин, мага берээрин айтып жүргөн. Эртеси денени айылдын улуу, намаз окуган бир аялы экөөбүз жуудук. Ошондо мага ошол алтын билерикти беришти. Каникейдин апасынын көзү чыгып кетейин деди окшойт. Кызык эле адамдар көп э, өлүп калган адамдын аманат алтынын менден кызганып жүрөт. Мен алмак эмесмин, элдин көзүнчө апамдын айтканын жел кылбайын дедим. Жакшылык үйлөнсө келинге тагам деп ниет кылып, чөнтөкө салып койдум. Анан кепинге ороп, жерге берүүгө даяр кылып бердик. Өлүк адамдын сүрү аябай жаман экен, эки-үч күн элеси көз алдыма келип жаман болуп жүрдүм. Эсен жалгыз калганынан кетүүмө туура келди. Кыркында да барып тез эле кетип калдым. Жакшылык бир күнү үйгө көздөрү кызарып кирип келди. Күйпөлөктөп себебин сурасам айткысы жок.
---Апа мени кыйнабаңызчы, өзүмдү керексиз эле сезип калдым. Сиздин өзүңүздүн балаңыз бар, атамдыкы да үчөө. Апама ишенип жүрсөм апам да мени таштап кетти.
---Балам эмнеге антесиң? Сен чоңойдуң баарын түшүнүүгө кез келди, баардыгын билесиң го.
---Апа мен силерди тергебейм, туура эмес кылдың деп да айтпайм. Анткени силер менин ата-энемсиңер менин акым жок антүүгө. Болгону мени түшүнгөн бирөө жок экени өкүндүрөт.
---Балам антпечи, Эсенди кандай көрсөм сени да ошондой көрөм. Сени дагы өзүм менен алып кетейин десем апаң сени катуу жакшы көрөөр эле, алып кетип калсам назарга калмакпыз. Анын үстүнө Эсендин акыбалын өзүң көргөндөй өтө жаман болчу.
---Апа түшүнөм, баарын түшүнөм. Мени атам түшүнбөй жатат, бир кыз менен сүйлөшөт элем аны ата-энеси бирөөгө берген жатыптыр. Үйлөнөм десем апаңдын жылдыгы боло элек, анан үй-жай алып анан үйлөн дешти. Мен аны сүйөм да..
---Балам, садага болоюн ошол элеби. Жүрөгүм жаш болгону менен өзүм кайнене болчу кез келип калганын сезбей калган турбаймынбы. Анда барып атаң менен кеңеш да кызды бул жака алып кел. Тиги дүкөндүн эки бөлмөсү бош эле турбайбы ошол жакта жашай бересиңер. Барып астына түшүп алып берүүгө болгон күчүмдү салам. Менде той кылууга каражат да бар балам.
---Апа мен сизди жакшы көрөм;-деп бетимден чопулдата өөп алды да чыгып кетти. Барып атасы менен сүйлөшкөн окшойт, алып качып эле келебиз деп коңгуроо кылды балам.
Апама чалып сүйүнчүлөдүм, тез арада келүүсүн сурандым. Апам тойго чейин келүүгө сөз берди. Дүкөндөн болгон нерсемди ташып, дасторкон жайдым. Балам эки досу менен келинимди алып келди. Жүзү жарык, ак жумал сүйкүмдүү жан экен. Бир көрүп эле кызымдай мээрим төктүм. Кыз келип алып, апамдар өлтүрөт деп ыйлап жатты. Эрболду чакырдым, Эрбол түшүнбөй калды. Чынын айтсам мен дагы түшүнбөй калдым, атаңа айт деп жибербедим беле. Бат эле Эрбол жетип келди.
---Эй сен кандай жансың? Тажаттың мени тажаттың. Ошончо жашоомду талкалап кеткениң аз болгондой эми баламды тартып алган жатасыңбы? Атам мени үйлөнтө албай калыптыр деп жатса керек э? Мен болгону энемдин арбагына сый көрсөтүп, жылдыка чейин туруп тур дегем.
---Эрбол мага да так ушундай айтты, баардыгын туура түшүндүм. Бирок кыз бир жыл күтпөйт да.
---Андан башка кыз куруп калыптырбы я? Ааламда жалгыз бекен анысы?
---Акырын Эрбол акырын..
---Уксун уксун балаң.
---Балаң укса мейли, келинчи.
Анан барып үйдө бирөөнүн кызы олтурганын эстеп кеткендей шап басылды. Башын жерге салып, жыйырма миң сунду ачуу базарга.
Мен акырын кайра өзүнө сунуп, ачуу базардан мен өтөм, тоюн да өзүм кылам, астына өзүң түш дедим.
Эрбол маакул болгонсуду. Кайнатамдын инисин чакырды да, чогулуп ачуу базарга кеттик. Кыздын ата-энеси аябай ызы-чуу салды.
'---Кудагый бизге да телефондо айтышты, үйгө алып келген жок. Кайда экенин билбейм алардын. Азыр маакул болбосоңор баарыбир деле өздөрү үйлөнүп алат, андан көрө улуулар биз кеңешип жолдорун ачып берели. Жаштар бири-бирин сүйүшөт экен, эми бир жиниңизди мага бериңиз.
---Жок мурун кайда жүрдү эле балаңар? Мынтип тойду белгилеп койгондо башка бирөөгө кеткени жакшыбы? Өзүнөн сурашым керек.
Маакул деп балама коңгуроо кылып, кызды атасы менен сүйлөштүрдүм. Келиним маакул кылган окшойт кийин жадырап-жайнап эле калды.
Алып келген кийитимди, отуз миң акчаны, койду берип өзүбүз сый болуп кайттык. Артыбыздан эле куугунчулар келди. Аларды да ыраазы кылып жөнөттүк. Бир жумадан кийин Эрбол астыга түшүүгө даярмын дегенинен астынан өтүп келдик. Бир айдын ичинде даярданып чоң той өткөрүп Жакшылыкты үйлөнттүк. Бөлүнүшсүн мени менен кыйналып жашабай десем, келиним ыймандуу экен көнбөй койду. Кызматты кылып жатты, балам менен келинимди карап алып кубанганымды айтпа. Болгону элдер келиниң өзүңө окшош экен дешсе, тагдыры окшобосо экен деп калам ичимден. Көп өтпөй Эрбол келип мени менен сүйлөшүп кетти.
----Жакшылык менен Наргиза мени менен жашаш керек. Клара сен түлкү экенсиң, баланы мен чоңойтсом, үйлөнтсөм эмнеге сени менен жашаш керек? Менин да колумдан келет үй алып бөлүп чыгаруу.
---Эрбол келбейт деген жокмун, туура балабызга сенин мээнетиң көбүрөк сиңди бирок, жаштарга өздөрүнө коёлучу тандоону. Болду эчкимге зыян келтиргим жок, тынч жашагым келет. Сураныч уруш чыгарбачы.
---Мен сени билем Клара унчукпай туруп бүт баарын өзүң каалагандай кылып таштайсың. Суранам мунусунда мен айткандай болсунчу.
Чын жүрөктөн чыккан өтүнүчкө, жок дей албадым. Башымды аста ийкеп койдум, Эрбол чыгып кетти. Жакшылык Университеттен келгенде, атаңар менен жашагыла деп ачык айттым. Балам мага таарынып калды, үйдөн кууп жатасың деди. Канчалык жагдайды түшүндүрүүгө аракет кылсам да түшүнгүсү келген жок. Таарынган бойдон Наргизаны алып көчүп кетти.
----Ало Эрбол ыраазысыңбы? Баламды биротоло менден айрыдың, эми болдубу? Сенин алдыңда карыз эмесминби болду?
---Эмне деп жатасың Клара. Мен сенден балаң менен уруш деген эмесмин. Болгону кайтар дегенмин.
----Эрбол дайыма жакшы жашоомду бүлдүрткөн сен, эми күнөөсүздөй түр кылбачы. Сенин суранычыңды четке кага албай ушундай кылууга аргасыз болдум. Бүт эле балага бар атаң менен жаша десең катуу тийет. Сен аны мыкты билесиң.
---Кечирип койчу, Клара рахмат сага.
Түүүүт..түүүт..
Ошентип Жакшылык эч келбей койду, Эрболдон кийин уктум. Наргиза менен Каникей келише албай, катуу урушуп кетип Жакшылык Наргизаны алып чет өлкөгө кетип калганын. Эми булар жаш эмес, өздөрүн өздөрү эптейт. Бир жаман жери кайсы өлкөдө экенин биле албай койдук. Баягы авариянын таасириби же каарылыкпы ким билсин ооруп баштадым. Эсен тогузунчу класста окуп калды, баламды араң жаны бар деп жүргөнүм менен мектепте аябай шок, кыздарга жакын экен.
Уландысы бар.
https://ok.ru/profile/567857887998
https://ok.ru/profile/567857887998
Присоединяйтесь к ОК, чтобы посмотреть больше фото, видео и найти новых друзей.
Комментарии 123