*ℳᎽℾᎯᏁИℳ*
35 - БӨЛҮМ
```Жамал ичинен жек көрүп турса да, олуттуу сөз айтчуудай басып келип:
- ГҮЛЗАР Касымбековна, сени менен сүйлөшөйүн дегем. Тигил кредиттер жөнүндө. Карызыбыз өсүп шаардан алган квартирабыздын карызын жабалы деп алганбыз. Бир аз убакыт берсеңер, мен өзүм төлөп берейин. Күзгө чейин.
- Ушул кезге чейин баарын чыр кылбай эле, алган акчалар сиздин карызыңызга кеткен экен, эмнеге ачык айтпайсыз?
Бул жердеги кыздар канча убара болду?Деги ушул жасап жаткан иштериңизди адамгерчилик деп ойлоносузбу? Биз сизди көптөн бери иштеген иш билги кадр деген сайын көөп баратасыз! Макул акчанын процентин эсепке албайлы дейли, ошондо да алынган сумманы төкпөй олтурсаңыз, сиздин толгон токой көйгөйлөр үчүн банк күнөөлүү эмес.
Мындай нерсе баарыбыздын башыбыздан өттү.
Айтканыңыз чын болсо, батырак акча таап,т ил кат жазып бериңиз да акча таап, батырак төлөп бериңиз. Сизди бул жолу коллектив колдоп туралы - деди Гүлзар Жамалга карап, - Эгерде мыйзам боюнча иш алып барганда, эмне болмок аны айтпасам да билесиз.
Гүлзар кредиттери өсүп төлөй албай банкка келип, Жамалга кайрылганын эстеди: «Бул банк сиздин чоң атаңыздыкы эмес» да деген кекерлүү үнү кулагына жаңыра түштү.
- Макул, - деди Жамал. Азыркы кейпин көргөн кесиптештери бири-бирин карады.
Жамал иштен ыргып, элге уят болуудан тартынып, аргасы кеткенде Гүлзарга ушинтип кайрылды.
Дуулаттын номерин ала албай ичи орттонуп турду.
Кайдан табат.
«Балким карындашына чалып сурасамчы» деген ойго келди.
Азыркы төлөй албай аткан акчалар боюнча, «кыйналып жатам жардам бериңиз» деп ыйлактап, Дуулаттан карызга акча сурасам деп кабарлаша алган жок.
Гүлзар үчүн улам эле Дуулатты издегени бир чети кызык болсо, экинчи жагынан кайдандыр «экөөнүн балким ортодо жакшы байланышы болсочу» деген кызганыч ой келе калды. Өз оюнан өзү чоочуп кетти:
«Андай болгон күндө деле мага эмне?Кайдагы башкалардын тирүүлүгүнө аралашканды ким койду мага» деп банктын жумуштары менен үйгө кеч кайтты.
Асиретти кезеги келээри менен бакчага бербесе, көңүлү бир жерде болбой турган болду.
Дуулат Гүлзардан кабар күттү. Эч кандай дайын оту чыкпады.
Токтоболотко чалып кубанычтарын тең бөлүшкөн соң, «биз жакка келип конок болуп кет. Айтылчу сөздөр көп, анан бир достор менен бирге майрам кылып чер жазып олтуруп кетесиң» деди көңүлү көтөрүлгөн Токтоболот.
«Коркпой эле гой ВУЗдагы достор менен табышканбыз» деди.
Дуулат Токтоболоттон үмүт кыла мындай деди:
- Балким Гүлзарды да ала бараармын.
- Оой досум. Канакей эми Гүлзар келсе. Ал деген деги тыным албай иштеп айыл элине жардам берип, банктты өз жайында алып кеткендиги мени аябай кубантты. Ар качан чалганымда, бош эмесмин деп айтчу болду.
- Мен да айтып коём. Убактысы болсо бирге келгиле.
Токтоболот Гүлзарга улам илинип жаткан Дуулаттын сөзүнөн, бир нерсени баамдады. - Гүлзардын артынан жүрөт окшойт. Турмушка чык десе көнө койсо канакей, эми жөндөн жөн убара болгону эле калбаса ээ - деди аялына
- Ооба, жалгыз жүрбөй Дуулатка тийсе тийип алсын.
- Анда сен айтып көр.
- Макул мен сүйлөшөм деди аялы.
Дуулат машинасын жүргүзүп үйүндөгү сейфти ачканда мурунку үйлөрдүн запасной кулпуларын таап машинага салды. Кандай гана керемет үйлөрдү албады.Азыр ошолордун баары Гүлзарга катталган. Шаардын четиндеги особнякты Гүлзар Аргендин балдарына берип салганын укту.
Айылдагы иштерине да, бир топ акча кетирип жатканын билет.
Азыр Дуулаттын ойлогону ал байлык эмес, аман эсен калганы жана бешег6е Гүлзарды туш кылып койгонуна ыраазы болду.
«Кандай десе да, барып кабар алайын» деген Дуулат, Гүлзардын үйүнө келди.
Улам звонок басса эч ким жооп бербей чуркап басып келген баланын дабышы чыкты.
- Мен Асирет - деди үйрөнгөн адаты боюнча.
- Мен Дуулатмын.
Ач уулум. Ача аласыңбы? Баягыда сага машина алып келбедим беле?
Бала чукулап ача албай ыйлай баштады .
- Апам жок.Мен коркуп атам.
- Турат кайда?
Бала обн түшүндүрө албай балдырап ыйлап алды.
Чөнтөктөгү ключун алып чыгып салып көрдү эле үчүнчү кулпу түшкөндө кубанып кетти.
Баланы бек көтөрүп жүзүнөн сүйдү.
- Азамат десе чоңойуп калган турбайсыңбы?
Сени, жалгыз таштап кетишкен экен да ээ?
Божураган бала кубанып үйгө сүйрөдү.
Чоң телевизордо мультифильм коюлуптур. Керелден кечке телевизор тиктеп, анан чарчаганда, өз алдынча ойногон бала ыйлай баштаган экен.
Адатынча терезеге чуркап чыгып, сыртты карады. Баары бек тосулуп терезеге темир тор тартылыптыр. Балкон болсо култануу экен.
Ашканадагы бычак, эмне болсо баарын текшерип чыкты Дуулат.
«Кенедей бала кокус газды тамызса же печкаларга барса эмне болот?» деп плиткаларды карады.
Баарын өчүрүп, бычак, кайчы дегенди өйдө алып койушканын көрсө да, көөнү тынчыбады.
Эски тааныштарынын номерин издеди. Бул жерде тааныш билиш салбаса эч качан балдар бакчасынан орун тийбейт. Ошондуктан үйдө олтурган экен деген Дуулат тааныштарга чалаар менен көп өтпөй балага кезексиз орун берерин айтышты.
Арсен менен көпкө сүйлөштү. Бар оюнчугун алып чыкты бала.
Кел эми көтөрөйүн дегенде барбалаңдаган бала Дуулатка бекем жабышты. Экөө бир топ ойногондо бала эски таанышындай көнө түштү. Сени эртең садике алып барам деди балага. Үйдө жалгыз олтуруп тажап калган бала Дуулаттан сурана баштады. Эшике чыгалы деди жалооруй карап. Баланын абалын көргөндө, Дуулаттын эт жүрөгү эзилди. Апасы акча табам деп, берген акчаны жеп олтура бербей ишин улантып, ар кай жакка чапкылап, же үстүндө минип алган машинасы жок кыйналган тура деп ойлоду. Көрсө, байкуш көп балалуу аялдардын жүгү көп боло турбайбы? Эч кимге билдирбей баарына жетишкен Гүлзар сыяктуу аялдар канча? Боору ооруп баланын ойундагысы менен болуп олтурганда, эшикти сыртынан ача башташты. Дуулат ичинен култагагын унутуп калган экен сыртта турган үчөө катар келип ача албай чырылдатып жиберди.
Асирет ичинен илгенди билбейт болчу деп жүрөгү уйгу туйгу болуп турганда Дуулат ачты. Гулзар эмне дээрин билбей калды.
Кызы менен уулу болсо мурун көргөн үчүн салам берип үйгө кирди.
- Саламатсыңарбы?
- Саламатчылык.
Ичтен тынчсызданып турганын Дуулат байкай калды.
- Гүлзар менде үйдүн ашыкча кулпусу бар экен, анан бала ыйлап жаткан экен кирүүгө мажбур болдум. Мени жаман көрбөңүз.
Силерден кабар алып кетсем деп келдим.
Гүлзар бир чети кооптоно караса, экинчи жагынан жини келе түштү. Колу калтырап баласын араң кучактады Гүлзар.
«Балким мен терең ишенип жүргөн бул кишинин башка максаты болсочу, балким акчаларын алуу үчүн бир нерсени пландап келип көрдүбү?» деп ойлоп жиберген Гүлзар ыйлап алды.
- Гүлзар анчалык неге мен жөнүндө жаман ойго барасың. Кулпунун баарын сага таштайм. Сенден сураныч Гүлзар мага турмушка чыкпасаң да, менден жамандык күтпөчү. Токтоболот келип кетсеңер болмок деген сөзүнөн басып келгемин. Эмне десең да, сенден кабар албай койо албайт экемин Гүлзар.
Мен жөнүндө жаман ойго жетеленбе.
Акча да керек эмес мага. Мага болгону сенин балдарың менен амандыгың керек. Мага ишенбей жатсаң бир тууганың Токтоболотко ишенерсиң. Эч качан жаман ойлобо мени! Баланы садике сүйлөштүм. Каалсаң, кеч бакчадан алып үйгө таштап турайын.
Эмне дейсиң?
Гүлзар негедир ишенбей баш чайкады.
Биротоло жаман адамдарды көрүп, үрөйү учуп бүткөн экен. «Кайдан да келдим эле. Үйдө экенинде келсем болмок экен» деп тунжурады.
Дуулат да, эмне кылаарын билбей көпкө олтурду.
Гүлзар араң туруп чай койду. Балдары учурашкан соң, бөлмөлөрүнө кирип кетти.
Дуулаттын жүрөгү тилинип кеткендей болду.
- Гүлзар!!!Менден жамандык издебе!Сага колумдан эмне жакшылык келсе жасайм. Токтоболот менен сүйлөштүм үйүнө чакырды. Каалсаң алып барып келейин.
Гүлзар колундагы баласын бирөө жулуп кете тургандай ичтен ойлонду. «Барсам, баламды алып барып, көзмө көз сүйлөшүп, теманы жаап, байкемдин астында сүйлөшүп келейин» деген чечимге келди Гүлзар.
Бир топ олтурган соң, Гүлзар өзүнүн жаман ойунан уяла түшүп чай койду.
Чөнтөгүндөгү кулпуну алып Дуулат Гүлзарга сунду.
- Эгерде ушунчалык жаман ой кетсе, экинчи келбейм. Аман болсоң болду. Жакшылык кылган кишиге кантип жамандык жооп кайтарат деп ойлодуң? Бала кыйналып жаткан экен. Жалгыз жаман оюмда бакчага берсин деп сүйлөшө салгам. Макул көрсөң алып барып бер. Мени тааныган үчүн макул болушту. Болгону, ушул акыл эсимден кетпей жүрөк кургур сени көздөй алып жөнөдү. Мынчалык оор кабыл алаарыңды билбептирмин.
Оюңда акча же байлык үчүн келип жүрөт деп ойлонбо Гүлзар.
Анын баары жерге кирсин. Канткен күндө да, мен адамдык асыл сапатыма кайра келдим. Азыр мен башка жанга айландым. Ушул акыркы беш жылда акча, байлыкты мол таап, аялымды ыраазы кылам деп жүрүп адам аттуу макулукка айланган экемин. Мага азыр эч бир нерсе керек эмес.
Менден жамандык күтпө. Болгону бала жалгыз ыйламсыраса, ачып кирдим.
Көрсө кыялымда сени менен бир жашап, сенин балдарыңа да жан дилимди берип жүргөн экенмин ички дүйнөмдө. Сен бул шектенүүң менен мени убайга салдың.
Асиретти макул көрсөң муногу номерге чалып бакчага берип ал Гүлзар. Мен кетейин, - карегинде толгон жаш томолонуп кете жаздап карегин ала качты Дуулат.
Өзүнүн кенебестигине өкүнүп кетти Дуулат.
Гүлзар кандай болуп бул жашоомдо пайда боло калды экен деп бул кишиге түшүнбөй турса, Дуулат да кандайча болуп, бул кара көз келинге башы мынча айланганын билбей ичтен сызып олтурду.
Балдарына мээрим бербесем кантип анан ата болмок элем. Турат менен сүйлөшөйүн деп
Тураттын жанына кирди Дуулат:
- Уулум кандайсың? Турат да,
Аксаамай да жылмайа карады.
Баяа күнү тайэжесинин апасына:
«Дуулатка турмушка чык. Жакшы адам экен. Жалгыздык жаман, Гүлзар. Ушул үйдү сага жөндөн жөн киши карматмак беле.Эгер билсең сени каныша кылып салган тура. Өзүң да жашарып көңүл тынып үстү башың оңолуптур. Ырысыңды теппе» деген сөзүн эки баласы тең угушкан.
·okuyalar jana bayandar·
Анан апасы да: «ушул жаңы үй баары Дуулат тайакеңердики» деген сөзүнөн улам бул кишини жакын адам катары кабыл алышкан. Экөө тең татына жылмайды.
- Ой, кызым сени унутуп калыпмын, окууларың жакшыбы?Маңдайынан жыттап, чачынан сылады Аксаамайды.
Көптөн бери уулум деген эркек кишинин сөзүн укпаган Турат Дуулатты жакын адамындай көрдү.
- Окуп жатамын. Мурун үйүнө азык түлүк ташып келгенде көргөнүн эстеди Турат.
- Мени тааныйсыңарда алтындарым. Токтоболот тайакеңдин жакын досу болом. Силерден кабар алып кетсем деп келгем.
- Иий - деди экөө жарыша. Жок дегенде эки баланын тең жакшы кабыл алышы Дуулаттын бир кыйла көңүлүн көтөрдү. Бала болсо да, билишет тура, кийим кече тамак-аш ташып келгенин көргөндөн улам, бул адамды жакын көрүп, жакшы кабыл алышты.
Эмнегедир апасынын маанайы жок тургандыгына таң калышты.
- Чоңойсоң мыкты жигит болосун! деди Туратты далысына таптап.
Баары, бир бөлмөгө чогулуп сүйлөшкөн соң, Дуулат кетүүгө камынды.
Дуулат бутун кийип, жатканда ойноп жургөн Арсен чуркап барды да бут кийимин издеп жөнөп калды.
- Ой сен кайда?
- Мен эшике чыгам, деди көздөрүн балбылдатып.
Баланы колуна алып, бийик көтөрүп жүзүнөн сүйдү да:
- макул жакшы калгыла! - деди. Дуулат Асиретти сыртка ала чыгып ойнотуп келгиси келди. Бирок Гүлзар Дуулаттын үйгө эч ким жокто келгендигин, коркуу сезим менен кабыл алганын эстегенде, жүрөгү дагы бир ирет сайышып алды.
- Дуулат байке, Токтоболот акем кайсыл күнгө чакырды, бирге барыңыз.
Баарын чечип албасак болбойт. Башында да, кашында да ал бар болгон үчүн чогуу баралы.
- Макул. Чалып билген соң айтайын деп жөнөп кетти.
Гүлзар жатып алып көпкө ойлонду.
Балдары өөн көрмөк тургай бир сонун эле кабыл алганына таң калды. Уулунун Дуулатка көз албай карап, бардык кыймылынан көз албай, сыртка чыгаарда коштошуп, узаткандыгына ичи жылый түштү.
«Токтоболот агам менен барып чечишип келели. Акча маселесин чечип болгон мулктү өткөрүп алсын. Мен да тынч оокатымды кылайын» деп айтмакчы болду.
Баарын ойлоп олтуруп, уулуна орун таап бакчадан келип камкорлонушу көңүлүн көтөрсө да, ички дүйнөсүндө коркуу сезими турду.
Дуулаттын маанайы түшүп кеткенин ойлоп аяп турган менен катуурак турбаса көрүнгөн үйгө бастырып кирип, кааласа чыкчу жер эмес деп өзүнүн ойу менен калды.
Жамал Дуулаттын номерин таба албай «балким экөө жолугуп жүрүшкөн чыгаар. Балким Арген менен жолуккан болсочу»... деп ойлоп эски тааныш жигитке акча төлөмөк болду. Акчага деп сүйлөшкөн соң, Гүлзар иштен чыкканда эле сыртынан адам салды.
Гүлзар иштен чыгып, уулунун документтерин алып бала бакчага барды.
- Жок орун дебедикпи - деп чойуштаган келинге жини кайнаган Гүлзар, «кечинде эле орун таап беребиз деген силер элеңер го» деди.
«Жоок биз сүйлөшкөн эмеспиз» деди такыр асмандан сүйлөп.
Гулзар Дуулатка чалды: «Сиз сүйлөшкөн кишилер такыр болбой жатат го» деди кекете сүйлөп.
«Токто Гүлзар токто. Мен азыр барам сага. Шаардамын.
Дуулат зуулдап келип машинадан түштү.
Саламдашкан соң,
- Алып кел документти, деди шашып.
Колуна документтерин алып, Гүлзарды ээрчитип киргенде көргөн жандын баары салам берип, ал эми Гүлзарды таңыркай карашты.
- Мен кече Кайып уулу Асиретти жаздыргам. Ооба, ооба ошол бала мага караштуу. Кайсыл күнү алып келели?
- Иий байке эртеңден деди башкы кабылдамада олтурган кыз.
Баары менен жылуу учурашканын көргөндө, Гүлзарда кандайдыр бир сыйлоо сезими пайда болду.
«Абройлуу адамдардын сөзү жерде калбайт турбайбы?» деп койду.
Баары эле ден соолук сурап, чоң кичине дебей сый көрсөтүштү Дуулатка.
Асиреттин документин жаздырып, сыртка чыкты. Дуулат сөздү эмнеден баштоону билбей турду.
- Дуулат байке агамдын үйүнө качан бара турган болдук? Ордума бирөөнү дайындап кетейин, - деди макул болгонун билдирип.
- Бүгүн кабарлашам, деди Дуулат.
Экөө эки жакка жөнөп жатканда Дуулат Гүлзарга карады.
- Олтуруңуз жумушка таштап өтөйүн, деди.
Гүлзар үн катпай машинага олтурду.
- Сиз менен баарын сүйлөшүп, чечели деп шашып жүрөм.
- Билем Гүлзар шашканыңды. Эртерээк менден кол үзсөң, батыраак Аргенге жолугуп макулдашарыңыз белгилүү го дейм.
- Эмне деп турасыз?
- Укканыңызды айтып турам.
- Токтотуңуз машинаны.
- Жок Гулзар. Минтип терикпе. Бул жерде тирүү жүрсөм бул кызганыч эч качан менден кетпей турган ооруга айланганын түшүнүп жеттим. Балким сиз да, мен сыяктуу ошол илдетке чалдыксаңыз көрөт элем, жаркыраган жашооңуз тарып, туңгуюкка түшүп калаарыңызды.
Ал эми кызганыч эмнеден улам экенин айткым да келбейт
- Батырак Токтоболот байкемдикинне баралы деди Гулзар сыртты карап.
«Батырак барып акча маселесин чечишип алсам, өлсөм да экинчи ирет ушул турмушума кирип аралашкан кишини жуутпайм» деп чечти.
Гүлзардын шашылыш ойун түшүнгөн Дуулаттын маанайы түштү. «Бул өжөөр неме акчаларымды кайтарып туруп, өзүмдү гүлзардан чаңга ыргытылган гүлгө окшотуп колун үзүп, өзүнүкүн бербеген көктүгүнө салып жалгыз өтөм деген ойу бар. Бирок жалгыз өтсө да башка кеп. Бирок эртең эле артынан түшкөндөрдүн бирөө илип кетеби?» деген ой жанын кыйнады.
«Эркектердин кандай экенин азыр билбейсиң го Гүлзар. Сен ойлогондой ширин сөзүн аткарып, сени гүлдөй кылып асырап алуучулар саналуу гана. Канчалык байлансам, ошончолук алыстайсың» деди кобуранып ички сезимдер.
Дуулат бул кезге чейин мынчалык аялдардын астында кор болгон эмес. Аялы да өзү чуркап жүрүп жашап, акча жокто көтөрө албай, ал эми акча көбөйгөндө ниети бузулуп такыр Дуулат ойлогондон башка жанга айланганда, жүрөгү каттуу ооруган.
Гүлзардын «астыда кандай болот? Кайын журтум эмне дейт?» деген тынчсыдануусун да билет. Ошондуктан канча убакыт болсо да кутөйү6н деп ойлонду.
Гүлзар тунжурап баратты. Экөө банкка жеткенде Гүлзарга банктын кызматкери чалып калды.
- Сиз кайдасыз Гулзар Касымбековна .
- Эмне болду баары жайындабы?
- Ооба жайында, Арген Үсөнович сизди көптөн бери күтүп олтурат.
- Аа,азыр - деди шашкалактаган Гүлзар.
АРГЕН деген атты укканда Дуулат мындан ары кете бербей, Гүлзар менен кошо жарыша түштү да:
- Колектив менен учурашып чыгайын, деди
Телефондогу сөздөр даана угулганын Гүлзар сезип
- Макул. Жүрүңүз - деди алдыга басып.
Гүлзар банктын эшигин ачып кирип келе жатканын көргөн Арген, креслодон тура берип утурлай басканча артынан Дуулат кирип келди.
- Саламатсызбы?
- Саламатчылык. Сизди күтүп жаткам деди жылмайа карап.
Дуулат экөө кол алышып учурашкан соң жумуш ордунда олтурган кызматкерлер :
- Оо, Дуулат байкее келиңиз! дешти жабалактап.
Жамал ички кассада олтурган жеринен көргөндө, терип жаткан компьютерин таштап атайын Гүлзарды кызганткысы келип, касса бөлүмдөн бери чыкты.
- Оой,Дуулат Өсөрович! деди да жылмаңдап басып келип, колун бергени жатканда эки колун жайып, кучактап койду.
Дуулат да ыңгайсыз абалда калып, кучактаган болду
Жаңы гана столго олтурган Арген менен Гүлзар жана банк кызматкерлери таңдана карады. Тим эле жакын кишисиндей жалпаңдай түшкөнү көпчүлүккө жага бербеди.
Ошентсе да ыктап жакын олтуруп, өткөн кеткенди сурап жатканын Гүлзар көз кырында баамдап олтурду.
- Гүлзар, сизди бизнес класс аттуу финансылык каражаттар менен иштешүү аттуу курска катышууга чакырган кат алып келгем. Борбордогу бул бир айлык курс сиздей ишкерлер үчүн маанилүү. Анан банктын ставкасын түшүрүү жөнүндө бардык банктар менен жолугуп сүйлөшсөк деп басып келгем. Убактыңыз болсо кенен сүйлөшөлү деп келгем.
Дуулат араң олтурду
Бир жагынан Жамалдын атайын жабышып айланчыктап, ар кайсыдан сүйлөгөн киши болгону жанына батса, экинчи жагынан Аргендин бул жерде Гүлзарды борборго чакырганы жанына батты.
Бир сыйра сурашып, сүйлөшүп алган соң, кызматкерлер орундарына олтурушту.
Арген болсо, Гүлзарга көп нерсе түшүндүргөн болду...
- Макул сүйлөшөбүз. Мен да шартка карап ойлонуп көрөйүн деди Гүлзар. Арген экөө сыртка жөнөгөндө, Жамалдын сүйлөгөн сөзү кулагына кирбей, ичинен кыжыры кайнаган Дуулаттын көзү да, ойу да Гүлзарда экенин баамдады кыраакы Жамал.
Батырак Токтоболотко барып сүйлөшөлү деген Дуулат чыдай албай, бүгүн досу менен сүйлөшмөк болду.
Кызганычы башына тээп, Гүлзардын жанынан карыш жылгысы келбей олтура берди.
Арген кеткен соң кирип келе жаткан Гүлзарды жек көрө да, таарынгансып да, үмүт эткенсип да карап тургагын көргөн Гүлзардын башы катты. Жамал жойпуланып жатып номерин алды...
Балким жолугуп чай ичсек кантет? деген суроосун укмаксан болуп койду.
Сыртка чыккан Дуулат такыр уйун6ө кеткиси келбеди. Азыр ушул жерден узап кеткенде, эле Гүлзарды бирөө жетелеп кетчуудөй ойдолоп
көпкө олтурду.```
Присоединяйтесь к ОК, чтобы посмотреть больше фото, видео и найти новых друзей.
Нет комментариев