Предыдущая публикация
Әңкәй чәчне үрә торган иде,
Ак күбәләк куя-куя.
Барыр юлың изге булсын балам,
Бәхетле бул!- дия-дия.
Чәчемдәге шушы ак күбәләк,
Туры юлга мине өндәде.
Төшләремә килә әңкәкәем,
Бигрәк сагындыра өндәге!
Мин дә кызларымның чәчен үрдем,
Күңелемдә булды теләгем.
Күбәләкләр алан сайлаганда,
Сагыш белән тулды йөрәгем.
Кышкы кичтә учак җылысына,
Ак күбәләк булып җанкае.
Риза бәхиллеген куеп китә,
Җәннәттәге газиз әңкәем.
Җәен күбәләкләр очкан чорда,
Күз алдымда тотам баламны.
Бала күңелендә мин дә шулай,
Ак күбәләк булып каламмы?
Ак күбәләк керсә кышкы кичтә,
Куа күрмә,ул мин,әңкәең!
Риза -бәхиллекләр бирер өчен,
Очып кайтыр минем җанкаем! Автор Бакирова Фәзилә.
Присоединяйтесь к ОК, чтобы посмотреть больше фото, видео и найти новых друзей.
Комментарии 70
Сагыш кылларын да кагынып.
Җаным очар ак күбәләк булып...
Сабыйларым сезне сагынып.