ПОПРАЗДНСТВО ВОЗДВИЖЕНИЯ ЧЕСТНО́ГО И ЖИВОТВОРЯЩЕГО КРЕСТА ГОСПОДНЯ;
День Воздви́жение Честно́го и Животворящего Креста Господня - 27 сентября; 1 день предпразднства (c 26 сент.) и 7 дней попразднства (по 4 окт.)
ТРОПАРЬ, ГЛАС 1 ВОЗДВИЖЕНИЯ ЧЕСТНАГО И ЖИВОТВОРЯЩАГО КРЕСТА
Спаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.
ПЕРЕВОД: Спаси, Господи, людей Твоих и благослови наследие Твое, победы православным христианам над иноплеменными даруя и Крестом Твоим сохраняя Твой народ.
КОНДАК, ГЛАС 4
Вознесы́йся на Крест во́лею,/ тезоимени́тому Твоему́ но́вому жи́тельству щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.
ПЕРЕВОД: Вознесенный на Крест добровольно, соименному Тебе новому народу милости Твои даруй, Христе Боже; возвесели силою Твоею верных людей Твоих, подавая им победы над врагами, – да имеют они помощь от Тебя, оружие мира, непобедимый знак победы.
МОЛИТВА
Кре́сте Честны́й, храни́тель души́ и те́лу бу́ди ми́, о́бразом свои́м бе́сы низлага́я, враги́ отгоня́я, стра́сти упражня́я, и благослове́ние да́руя ми́, и жи́знь и си́лу, соде́йствием Свята́го Ду́ха, и честны́ми Пречи́стыя мольба́ми.
ВЕЛИЧАНИЕ
Велича́ем Тя,/ Живода́вче Христе́,/ и чтим Крест Твой святы́й,/ и́мже нас спа́сл еси́// от рабо́ты вра́жия.
СЛА́ВА, ГО́СПОДИ, КРЕСТУ́ ТВОЕМУ́ ЧЕСТНО́МУ.
Нет комментариев