Предыдущая публикация
СОҢ ИНДЕ
Кирәкми... соң инде... сорама хәлләрне,
Бәлкем дә... мәңгегә югалттык мәлләрне:
Гел уртак таңнарны...
гел бергә аңнарны...
Гел генә төзегән хисапсыз саннарны...
Бәхетнең гел үзле- сөюле язларын...
Дөм кара төннәрнең иң - иңле азларын...
Санадык яуганда... йолдызлар яңгыры...
Офыктан эндәште сагышлы таң җыры:
Сандугач моңнары телгәли җаннарны...
Кирәкми... соң инде... искәрү аңнарны:
Хыялга төрелгән яктылык саркыла,
Бәгырьне телгәләп сагышлар сарыла-
Сөюле сагышның тургайлар моңына...
Кирәкми... соң инде... сөюләр җырына...
Күңелем... сөюле... җәйләрне сагына...
Миләүшә Әхмәдуллина
Күкшел 30.10.2024
Следующая публикация
Комментарии 7
Искиткеч чагыштырулар,көчле хисләр чиратлашуы...
Син- талант.