- აბა გოგო, თვალსა და ხელს შუა. ის თუ გახსოვს პირველად ლექსი, რომ წაგიკითხე?
- მართლა ჩემზე დაწერე ის ლექსი, ჰა?
- ჰო, იმდენჯერ დაგისვამს ეგ კითხვა, ვფიქრობ, დღემდე არ გჯერა- ღიმილით უთხრა ბერიკაცმა.
- მე ისიც მახსოვს პირველად, რომ მაკოცე, გაზაფხული იყო, აპრილის თვე, ძელსკამზე ვისხედით.
- შენ საოცარი მეხსიერება გაქვს, აბა მე ისიც დამავიწყდა ბოლოს როდის გაკოცე.
ორთავეს გულიანად გაეცინათ.
- იცი, გული მართლა არ ბერდება თურმე, უშენობას დღესაც ვერ შევეჩვევი.
- მე იცი, რისი მეშინია? სულს მახსოვრობა რომ არ ჰქონდეს, სიკვდილის მერე, რომ ვერ გიცნო.- თქვა და ნაღვლიანი მზერა მიაპყრო სახედამჭკნარ, მოხუც ცოლს.
-შენ რა სულ უცნაურ რამეებზე გეფიქრება. თემ იცი, მე ახლა რა მინდა? მინდა, რომ ჩამეხუტო, აი, ისე როგორც ახალგაზრდობისას.
- სირცხვილია ქალო, ხალხი რას იტყვის?! ამ ბებრებს რა სიყვარულობანა აუტყდათ შუა ქუჩაშიო.
- სიყვარულს ასაკი არ აქვს ჩემო ძვირფასო- უთხრა ცოლმა რაღაც ღვთაებრივის მომლოდინე სახით.
ბერიკაცი ტროტუარზე გაჩერდა, ხელჯოხი ფეხზე მიიყუდა,ცოლს სუნთქვა შეეკრა, მერე გამხდარი მკლავები მოხვია და გულში ჩაიკრა.
გულები ისეთივე პათოსით ძგერდნენ, როგორც ახალგაზრდობისას.ავტორი: რითმების კავალერი
Присоединяйтесь к ОК, чтобы посмотреть больше фото, видео и найти новых друзей.
Комментарии 11
shemshurda race