5- бөлүм
Эсиңдеби, сен мага " бирөө мага бут тозуп жүрөт, ушуну менен эки келишимимди жокко чыгуусуна себепкер болду, бирок колумда эч кандай далил болбогондуктан ыйлап кана кала бердим" дегенсиң.
Мен ошол адамды сенден жашыруун издеп табып, өз адамдарымды жумшап жазаландыргам. Бирок ал да жөн жатпады,
Менин маршрутумду изилдеп, жалгыз калган жеримден кармап кетишип жүзүмө так салып кетишти. Бирок мен өкүнбөйм... Ал эми сага зыянын тийгизе албайт, себеби менин колумда анын жийиркеничтүү иштерине каршы темирдей болгон далилдерим бар.
Ишен козум мендеги сага болгон сезимдерим, мени менен кошо өлөт. Мен азыр баягы сен экөөбүз алгачкы ирет отко тамак бышырып жеп, сен өз колуң менен гүлдөрдү олтургузган, жайкы дачадамын.
Жакындарым досторум пластикалык операцияга акча топтошууда. Ошол күнү мен негедир сени абдан көргүм келди, үйдөгүлөр менен болбогон бир маселенин айынан таарыныша кетип маанайым да жок эле.
Сага чалсам албай койдуң, өзү чалаар бошогондо десем чалбадың. Кайрадан чалсам телефонуңду өчүрүп салыпсың. Ызаама ызаа кошулуп оюма эмне келсе баарын жаздым. Билем абдан капа кылдым, бирок мени жакшы билесиң, эртеси эле жазылып кайра кечирм сурамакмын... Бирок баардыгы тескерисинен кетип, тигил акмактардын колуна түштүм.
Адаттагыдай эле паркта таң азандан көнүмүш көнүгүүлөрүмдү жасап, анан чуркап келе жаткам, алдымдан бир жигит чыгып телефону өчүп калгандыгын, бирөөгө зарыл телефон чалышы керектигин айтып жардам сурады. Акыркы айлампам болгондуктан четке чыгып скамейкага отурдум да тиги балага телефонумду сундум, андан соң аркамдан башыма оор бир нерсе тийди да көзүм караңгылап барып өзүмдү жоготтум.
Эсиме келсем ээн бир караңгы сарайда жатыпмын, колум бутум байланган. Чыйрыгып башым жарылчудай ооруп жатты. Маңдайымда көзү чанагынан чыкчудай тиктеген сенин жана менин душманыбыз туруптур. Ии "баатыр!" дымагыңды көрсөтчү кана! "Иттериң" жокто ким экенсиң көрөлү деп каткырды.
Ага теңелүү, сүйлөшүү пайдасыз экенине көзүм жеткендиктен үнсүз сөзсүз тиктеп тура бердим, ал кылыгым аны өзүнөн чыгарды көрүнөт мени алгач моокуму канганча тепкиледи, ичим эзилип өзөрүп калганымда гана тепкисин токтотуп телефонумду бетиме ыргытты. " чал тигил сулууга, баардык кагаздарды көтөрүп мында келсин, адамдарымды жөнөтөм, тескери басып милицияга чала турган болсо сени менен коштошо берсин" деди.
Менин колумду чечип телефон чалуума буйрук берди, мен алдым да сенин номериңди өчүрүүгө жетиштим. Сага таарынганымдын пайдасы тийип сени блоктоп койгондугума кубандым.
Мыкаачылар мени аёсуз сабап, акырында, эгер аркабыздан сая түшсөң үй- бүлөөңө, тигил сулууңа жакшылык көрсөтпөйбүз, акылың бар болсо мага чалып байланышасың деди да телефонумду жаныма ыргытып басып кетишти.
Өкүнүчтүүсү жүзүмдө тактар калды... Бир гана суранаарым өзүңө сак бол, мени ойлобо, өзүмө келемби келбеймби али белгисиз.
Автор: Айжамал Бердимуратова.
Поэзия Ордосу "көркөм -адабий"
коомдук бирикмесинин мүчөсү.
Присоединяйтесь к ОК, чтобы посмотреть больше фото, видео и найти новых друзей.
Комментарии 23