Этнавандроўка ў глыбінку.

Флэш-семінар для работнікаў устаноў культуры, бібліятэкараў, кіраўнікоў фальклорных калектываў, спецыялістаў аддзела этнаграфіі, фальклору і рамёстваў Гродзенскага раёна на тэму “Event-туры ці абрадавы турызм як драйвер развіцця сельскага турызму” прайшощ сёння на базе музея “Код памяці” ў в.Зарачанка і ў рамках правядзення абрада “Гуканне вясны “ ў в.Жытомля.
Тэматыка семінара была вызначана на аснове аналізу стану работы па забеспячэнню сістэмы пераемнасці традыцыйнай культуры, неабходнасцю яе паляпшэння, удасканалення, у тым ліку і дзеля паляпшэння працы ўстаноў культуры ў сферы турыстычнай дзейнасці. А форма правядзення метадычнай работы як флэш-семінара забяспечвала такі падыход, як імкненне адшукаць рашэнне праблемы, «успыхнуць», захапіцца ідэяй.
Работнікам культуры прапанавалі і незвычайную забаву — этнаквіз Who is Maslenitsa. Наведвальнікі музея падзялилися на каманды і праверылі сябе на веды аб гісторыі і традыцыі Масленіцы. У фінале ўсіх чакала спальванне віртуальнага «чучела» — гэта мульцімедыйнае відэа, дзе паказаны традыцыйны святочны абрад.
Пры правядзенні флэш-семінара як «загадзя спланаванай акцыі, у якой група выконвае вызначаныя раней дзеянні» спецыялісты зрабілі флэш-прэзентацыі эфектыўных і самабытных практык па традыцыйнай культуры ў рабоце з абрадавым турызмам, дапаўняючы ідэі адзін аднаго ў пошуках лепшых.
Клапаціла спецыялістаў і прэстыжнасць клубных устаноў, яе складнікі, сярод якіх клубныя работнікі праз флэш-прыём вызначылі і абгрунтавалі наступныя – якасць паслуг установы, унікальнасць традыцыйных абрадаў, камфорт, даступнасць інфармацыі, сучасныя тэхналогіі, сучаснае асначэнне, узаемадзеянне, папулярызацыя, інш.
А затым адправіліся ў этнавандроўку ў в.Жытомля «гукаць» вясну, дзе навучыліся спяваць гукальныя абрадавыя песні, ўдзельнічалі ў інтэрактыўных майстар-класах па традыцыйым беларускім веснавым гульням і побытавым танцам.
Было весела, з гутам и па-народнаму!