Предыдущая публикация
Tashqarida kezinadi ishq,
Derazani chertar ohista.
Seni ming yil sog'inganimdek,
Sen ham sog'in ming yil oh, istab!
Alafzorga to'ldi bu ko'ngil,
G'ashlik inar ruhning ruhiga.
Yum-yum yig'lar kipriging osti,
Bardosh bermay qalbing ohiga.
Kutishimni har tun bilarsan,
Shoshilarsan ro'mol o'ramay.
Tushimga bostirib kelarsan,
Xudodan ham izn so'ramay.
Quyosh chiqsa tugar hammasi,
Qo'l beramiz sarob tuyg'uga.
Bizlar birga bo'lmoqlik uchun,
Ketmoq kerak mangu uyquga.
Qovushiq qo'l...
Sukut...
Jimjitlik...
Tish g'ichirlar beun qilib rashk.
Yuragimdan chiqib darbadar,
Tashqarida kezinadi ishq.
Qobilbek ZIYO.
JIZZAX.
Присоединяйтесь к ОК, чтобы посмотреть больше фото, видео и найти новых друзей.
Нет комментариев