Предыдущая публикация
Модар, фақат муҳаббати ту кам намешавад,
Он лаҳзае ки ризқ фароҳам намешавад.
Дунё чӣ қадр бад бувад, он қадр хуб ту,
Ҳамвазни меҳри модарӣ олам намешавад.
Ҳастӣ, ки даҳр ғайри сарафрозияш наяст,
Ин тифл бо ту ҳеҷ сараш хам намешавад.
Дилро чу зарби теғи каломи бадон дарад,
Як хока чун навозишат марҳам намешавад.
Аз чашм он чӣ дар дили ман ҳаст, хондаӣ,
Бар рози дил касе чу ту маҳрам намешавад.
Бе ҳеҷ чашмдошт мароӣ ту дастгир,
Гоҳе, ки дасти бахт ба дастам намешавад.
Ҳайрони он муҳаббати пок аст Ҳотамӣ,
Ҳар рӯз беш мешаваду кам намешавад .
Ғайратҷон Ҳотамӣ
Следующая публикация
Комментарии 5
Зиёди наҷми само дар дили дардам шавӣ.
" Ҳайрони он муҳаббати пок аст Ҳотамӣ."- беҳтарин ситоиши меҳри модарӣ.