Предыдущая публикация
То кай даруни хоби ман нохондамеҳмон мешавӣ?
Ай офати ҷонам, бигӯ, кай роҳати ҷон мешавӣ?
Дар дидагони музтарам оби равон будан бас аст,
Ҳоло бигӯ, охир маро кай нури чашмон мешавӣ?
Бо ҳаҷрҳои хештан ҷонам ба лаб овардаӣ,
Бар ҷони то лаб омада кай ёри ҷонон мешавӣ?
Боғи дилам сӯзондаӣ, бо оташи дарди фироқ,
Боғи даламро, гӯй, кай сарви хиромон мешаӣ?
Атре надорад ин ҳаёт бебуданат, ай атри ишқ,
Кай зиндагонии маро худ атрборон мешавӣ?
Эй хайрамақдам, мақдамат чун нест дил хушкидааст,
Кай сарзамини хушкро абри баҳорон мешавӣ?
Бе ту ҳамин дунёи дун шуд кулбаи эҳзони ман,
Бар Ҳотамии хастадил кай хатми эҳзон мешавӣ?
Ғайратҷон Ҳотамӣ
Следующая публикация
Комментарии 11
Эй Пари бар дарди ин дил кай ту дармон мешавӣ?.
Бар Ҳотамии хастадил кай хатми эҳзон мешавӣ?
Олӣ!