Предыдущая публикация
Әтиемнең: "Нихәл, кызым",-диеп,
Каршы алуларын сагынам.
Сагышларым басылмасмы диеп,
Каеннарга барып сарылам.
Каеннар да мине аңлагандай,
Шаулашалар талгын җилләрдә.
Күңелемдә тулган хисләремне,
Серләремне сөйлим җилләргә.
Әти булган чак - рәхәт вакыт,
Кайтарырга иде киредән...
"Бик моңайма, кызым,"- диеп әткәй
Эндәшкәндәй була күкләрдән.
Рәхмәтле мин әти-әниемә
Өйрәткәнгә сабыр булырга,
Тормыш сынавына әзер булып,
Кыен хәлдән юлын табарга.
Әти-әниләрнең кадерләрен
Белик, дуслар, исән чагында...
Үкенмәслек итеп яшик әле,
Бер килгәнбез дөнья йөзенә.
Присоединяйтесь к ОК, чтобы посмотреть больше фото, видео и найти новых друзей.
Комментарии 3