Предыдущая публикация
A dünya.
İstədim soruşum necədir halım
Dərdimi yadına salam a dünya.
Taleyin verdiyi acı səhvəni
Bağlayıb qeydimə qalam a dünya.
*
Saçımda hər tükün bəyazı deyir,
Alnımın naxışı o yazı deyir,
Dinəndə sözümün avazı deyir
Kədərdən,acıdan bolam a dünya.
*
Sevincdən qismətim necə də kəmmiş,
Fələyin dərdləri ürəkdə cəmmiş,
Görkəmim,vicudum Vətənsiz qəmmiş
Bilən deyər yazıq balam a dünya.
*
Hər kəsdə bilik var,göz var, ağıl var,
Yaxşı da var,yaman da var,paxıl var
Dünyanı kəşf edən ər var,oğul var
Mən kiməm hələ ki,kalam a dünya.
*
İmtahana çəkir həyat insanı,
Qoşadır sevinclə,kədər hər yanı,
Həyatı qavradın tanı dünyanı
Dərdin qarşısında qulam a dünya.
*
Yaşamaq axırda bitəcək deyə,
Arzular, ümüdlər itəcək deyə,
İnsanlar həyatdan köçəcək deyə
Ümüdü gözündə lalam a dünya.
*
Dağbəyi doğulan hərəmiz qonax,
Həyatın özü də fərqli bir sınax,
Gözlərin varınsa gözlərinlə bax
Başında saçları çalam a dünya...
*
Следующая публикация
Комментарии 33