Предыдущая публикация
ԻՆՉ ԼԱՎ Է ԱՍՎԱԾ
Գժի տեղ դրած
Վանքի հավերն է ուտում...
Ինչ լավ է ասված,
Ո՜չ դատվում է ,ո՜չ դատում...
Արդարամտություն է անկասկած,
Ժողովրդական իմաստնություն...
Որ դարեր թևածած...
Դարձել է արժեքավոր ժառանգություն։
Ու միամիտ ու խեղճ ձևացած,
Մեղավորներ է մատնացույց անում...
Վանքի դռները փակած՝
Գողեր է հորինել գայլ,աղվես և շուն...
Ու չի հասկանում
Որ մարդիկ իրականությունը հասկացած
Ձմռանը չեն ասում գարուն
Իսկ գժի տեղ դրած կատարածուն՝
Մեծական խոսքին արժանացած.
《Պիտ դառնա ձյան տակի շուն》
Իսկ ձմռանը կփոխարինի գարուն...
Ու ճտերը դեռ կհաշվեն
Երբ ,որ գա աշուն։
Համլետ Հակոբյան
24.12.2024թ.
Ք.Աբովյան
Следующая публикация
Комментарии 3