Предыдущая публикация
@ОСМОН БЎЛИБ КЕТИБСАНМИ?
@
Хат юборсам келмас қайтиб.
Бизни биров этибсанми?
Икки-учта қўшиқ айтиб.
Осмон бўлиб кетибсанми?
Кўмак сўраб мунгли боқиб.
Юрган эдинг бурнинг оқиб.
Бугунги қарс,мақтов ёқиб.
Осмон бўлиб кетибсанми?
Либосинг зар, остингда той.
Исминг орти қўшибсан "бой".
Доим тўрдан кўзловчи жой.
Осмон бўлиб кетибсанми?
Хар кунингда тантана, тўй.
Пойинг ости қурбонли қўй.
Дўст бўлолмас бебурд, беўй.
Осмон бўлиб кетибсанми?
Тилда Рахмон, дилда шайтон.
Борми сенда лафз, ор, иймон.
Хусни инсон, хулқи хайвон.
Осмон бўлиб кетибсанми?
Шоирман байт хаққин олмас.
Қўрқма сенга куним қолмас.
Қоюм Аллох назар солмас.
Осмон бўлиб кетибсанми?
Хабар ёзсам келмас қайтиб.
Кибрни дўст этибсанми?
Учта-тўртта қўшиқ айтиб.
Осмон бўлиб кетибсанми?
Ғуломжон Нормат. 31/08/2023-й https://t.me/GulomjonNormat https://t.me/Umr_Uzoq
Следующая публикация
Нет комментариев