Ауыл урамдарын йөрөп сыҡтым ,
Ниҙәр генә унда күрмәнем ...
Ошоңарсы нимә күрҙек икән ?
Булманы бит бындай күргәнем .
Иҫке өйҙәр , нигеҙҙәре сүккән ,
Ҡыйшайышып бөткән тәҙрәһе .
Ҡапҡалары ауып барған ерҙән ,
Терәтелгән , аумай , йәнәһе .
Ҡайҙа баҡма , тимер сымдар бәйле ,
Ҡаҙауҙары сереп өҙөлгән .
Был өйҙәрҙе ҡарап , уйланиһәң ,
Ҡасан икән улар төҙөлгән ?..
Өйҙәрҙең дә булған яңы сағы ,
Хужалығы көслө , ҡаралған .
Атай , әсәйҙәрҙең йәш саҡтары ,
Тәүге балалары яралған .
Тыныслыҡта тормош көткәндәре ,
Шатланғандар булып бәхетле .
Ауыр саҡты улар күтәргәндәр ,
Уға түҙем кәрәк ни хәтле ?..
Ғаиләләрҙә булған юғалтыуҙар ,
Кемдәрелер ҡулға алынған .
Ярамһаҡтар яҙған ялаларҙан
Төрмәләргә илтеп ябылған .
Ул ваҡыттар үткән йылдар менән ,
Халыҡ күңеленә шом һалып .
Һуңлап , тыныс тормош килгән саҡта ,
Улар китте ҡәҙерһеҙ ҡалып .
Атайҙарҙың урын беҙгә ҡалды ,
Кемдәр һаҡлар атай нигеҙен ?
Ауылдарҙы кемдәр күтәрерҙәр ,
Кемдәр асыр ауылдың йөҙөн ?
Әле , һаман , торам уйлап , ҡарап ,
Хужаһыҙлы өйҙә дегәнәк .
Осоп , ҡунып йөрөгән йәш саҡтарҙа
Оса торған ине күбәләк .
Ишек алды тулы сәскә ине ,
Сәскә атҡан үтте ваҡыттар ,
Атай хәлдәренә ҡалып беҙҙең ,
Ваҡыты ла ҡалған булып тар .
Өлгөрәбеҙ тиеп тырышабыҙ ,
Донъя көтөп , ҡалмай кешенән .
Ауыл өсөн нимә ҡылдың тиеп ,
Ваҡыт ала һәр - кем түшенән .
20 09 2021 .
Присоединяйтесь к ОК, чтобы посмотреть больше фото, видео и найти новых друзей.
Нет комментариев