Предыдущая публикация
Ҳукм ўқиб бўлинди, афсус,
Икки ношуд бечораларга,
Сургун бўлдик энди иккимиз,
Бошқа-бошқа сайёраларга.
Дийдор, висол мамлакатига
Йўллар ёпиқ энди биз учун.
Фақатгина тушларимизга
Кириб - чиқиб юришлик мумкин.
Чипталар ҳам сотиб олинди,
Буюмларни йиғдик шошилинч,
Остонада ўтириб йиғлар,
Энг оҳирги, энг сўнги Илинж!
Терс қарайсан.
Ҳайр демайсан.
Ниманидир умидвор кутиб,
Ғижимланган дастрўмолинга,
Афсусларни оласан артиб.
Манзил узоқ.
Юрақол энди.
Чиқмас жондан умид кутамиз,
Бошқа-бошқа пушаймонларга,
Бир эшикдан чиқиб кетамиз.
Следующая публикация
Комментарии 2