Предыдущая публикация
ДУС ЯШИК.
Ярма бүртеп тараладыр,
Симез каз үрәсендә.
Имеш-мимеш,гайбәт сүзләр,
Көнчелләр тирәсендә.
Чыгырдан чыгарып ташлый,
Булдыклылар уңышы.
Көнчелләр китәләр кызып,
Башлана тел сугышы.
Сүзләр тама,сүзләр ага,
Чиләгеннән иләккә.
Тормыш ботап,айкап-чайкап,
Яра салып йөрәккә.
...Тел ярасы төзәлми ул,
Дуслар,ямьсез сөйләшмик.
Дөнья матур,гомер кыска,
Бер тугандай дус яшик.
Венера Шарафисламова.
17.10.21.
Следующая публикация
Комментарии 26