Моңсуланып калган безнең авыл,
Сагыныплар ,үткән елларын.
Авыл урамына кергән саен,
Искә алам үткән юлларым.
Уйлаганда күп тә түгел кебек,
Күпме язган,шулай үтелгән...
Язмышыма тигән серле йомгак,
Бер карасаң хәтсез сүтелгән.
Авылның да бәлки безнең кебек
Булгандыр ул шау-гөр чаклары.
Туганыннан башлап минем авыл,
Күпме серләр икән саклады?.
Җыр-биюләр белән,зур туйларны,
Безнең урамнар да күргәннәр ...
Яу кырында ятып калганнарны,
Аларда бит елап көткәннәр!
Серләреңне сөйлә әле авыл,
Урамыңда үскән улыңа?
Ачуланма миңа,мин дә китәм,
Җиңеллекләр телә юлыма...
Бүген серле генә караш салып,
Авылым тора минем каршымда..
Сандыкларда күпме серләр икән,
Туган авыл синең хакыңда???
Илдар Нуртдинов. 09.10.21.
Присоединяйтесь к ОК, чтобы посмотреть больше фото, видео и найти новых друзей.
Комментарии 84
Илдар абый шигырьлэрне