Предыдущая публикация
Куйлагингиз ҳилпирар енгил,
Баҳорнинг ним шабодасида.
Ҳаволар ҳам топмоқда кўнгил,
Атир бўйи шалоласидан...
Мени гўё кўрмай, бекатда
Тақдирними кутиб турибсиз.
(Ҳали шеърда ёзгум: “Албатта,
Тақдир бахти қародир - сизсиз!”)
Умрларни этар афтода
Ҳуснингиздан таралган таъсир.
Ёнингизга (борса мабода),
Фақат тақдир бориши ҳақдир!
Дунё иши - таъсодиф шартда
-Юракларга кўчаётган дам:
Баъзан тақдир учрар бекатда -
Сўз айтолмай - ночор турар ҳам.
Усмон Азим
Следующая публикация
Нет комментариев