Қадри мардта мард фамтат,қадри зар заргар въизент,
Қадри золим подихъота нокаси навъкар въизент.
Чирд цафорт мардени медӯн фамт ху пинз ангихьт ҷиновъ,
Въеф қаторанд Порхьинев Олимта сарлихъкар въизент.
Йаст фана розӣ насен аз меф му гапен ар ватан,
Тунд ту нӯмен аз худи Ёгед ху то Лангар въизент.
Ними дунйоен ага фамт нӯми Водиш ат ви шаст,
Ат туе Водиш ху хез дъустанд аранг ханчар въизент.
Узта мардард шеър цалӯм фарқ нист йу аз Ғундо Харағ,
Мунд му дилта Шоҳи Мардон маш Алӣ Айдар въизент!
Уз ту амчун паҳлавӯн фамум на диндори бузург,
Ат му мақсадташ гумӯн ойо йиновъ нархар въизент.
Маш дарунанден фана амчун ху духъман аз ту лӯд,
Дусти ҷӯнен турд насат,дӯнҷат туен аз дьар въизент.
Васфи мардта кулл насӯдат уз кинум куто ху гап,
Қадри мардта мард ку фамтат шоирен дафтар въизент.
Фаромуз Акдод.
14-03-2020.
Россия Тверь
Присоединяйтесь к ОК, чтобы посмотреть больше фото, видео и найти новых друзей.
Нет комментариев