Предыдущая публикация
Нашыя птушкі
Не кармі вадаплаўных птушак хлебам❗❗❗
🍞 Хлеб для вадаплаўных птушак – нездаровая ежа. Гэта тое ж самае, калі б чалавек еў толькі фаст-фуд. Стрававальная сістэма птушак для такой ежы не прыстасаваная. Хлеб дае адчуванне сытасці, але не спрыяе нармальнай жыццядзейнасці птушкі, і можа прывесці да залішняй вагі, разладжання страўніка і іншых праблемаў.
🦠 А некаторыя людзі спецыяльна нясуць з дому стары цвілы хлеб, які чамусьці выкінуць шкада, мяркуючы, што робяць добрую справу для птушак. Ні ў якім разе так рабіць нельга! Цвілы хлеб можа выклікаць аспергілёз, смяротнае захворванне лёгкіх, якое можа вынішчыць усю чараду качак альбо іншых вадаплаўных птушак.
🦆 Дзікія качкі і іншыя вадаплаўныя птушкі могуць пражыць больш доўгае і здаровае жыццё, калі будуць харчавацца натуральнай ежай – воднымі раслінамі, насеннем і бесхрыбетнымі, а не тым, што кідаюць ім людзі.
❗❗❗ Падкормліваць вадаплаўных варта толькі пры моцных маразах, калі некалькі дзён трымаецца тэмпература -15 і ніжэй, а птушкі не зляцелі. Можна пачаставаць іх аўсянымі шматкамі, насыпаць уздоўж берага каля вады або лепш на мелкаводдзі ячменю або пшаніцы, мелка парэзаныя моркву, капусту.
✅ Падзяліся гэтым допісам, каб больш людзей зразумела, што карміць вадаплаўных птушак хлебам нельга. Лепш проста назіраць і любавацца імі.
Ілюстрацыя Paulina Punki Michalska / punkidrawsstuff са старонкі Ośrodek Jelonki, Facebook.
Следующая публикация
Комментарии 2