Предыдущая публикация
ДӮСТДОРИ КАСБИ ХЕШ
Раҳмоналиев Орзу Боронович (1995) зодаи деҳаи Кадучии ноҳияи Восеъ буда, хатмкардаи факултети Нигоҳдории тандурустии ҷамъиятии МДТ “Донишгоҳи давлатии тиббии Тоҷикистон ба номи Абӯалӣ ибни Сино” бо дипломи аъло аст. Зинаи магистатураро бо рисолаи илмӣ “Дар масъалаҳои сирояти дохили беморхонагӣ” дар низ бо дипломи аъло хатм намудааст.
Таҷрибаомӯзии тахассусиро дар Ҷумҳурии Қазоқистон гузашта, дар даврони донишҷӯи яке аз ҷавонони мувафақи ташкилотчӣ шинохта шуда буд. Дар соли 2016 аз ҷониби Институти тадқиқотии Евроазия ба ҷоизаи лаурети Д.И. Менделеев қадрдонӣ шуда, боз дар ҳамин сол дар озмун ғолиб омада, сазовори стипендияи ба номи Исмоили Сомонӣ гардид. Ду маротиба гириандаи степендияи Президентӣ низ буд. Дар тӯли солҳои донишҷӯӣ пайваста дар конференсияҳои илмию амалии дохилӣ ва байналмилалии олимони ҷавон ва донишҷӯён бо маърӯзаҳои илмӣ баромад карда, ду маротиба сазоворӣ диплоломи дараҷаи 1 гардидааст. Ҳоло ҳамчун унвонҷуй барои дарёфти дараҷаӣ номзади илмҳои тибб пажуҳиш бурда истодааст, ки натиҷаи корҳои илмиаш дар маҷалаҳои бонуфузи Федератсияи Россия ва Ҷумҳурии Тоҷикистон ба нашр расидаанд.
Раҳмонавлиев О.Б. аслан фаъолияти меҳнатии худро аз давраи донишҷӯӣ, оғоз намудааст. Сипас асистенти кафедраи “Беҳдошти муҳити зист”-и МДТ “ДДТТ ба номи Абӯалӣ ибни Сино”. Аз соли 2020 дар МД “Маркази ҷумҳуриявии ташаккули тарзи ҳаёти солим”-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар вазифаи мудири шуъбаи таҳлил коркарда, тибқи фармоиши Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз ноябри соли 2020 ба ҳайси муовини директори МД “Маркази ҷумҳуриявии ғизо” ифои вазифа намуд. Барои иштироки фаъолона дар ҳаёти ҷамъиятию сиёсӣ ва семинару тренингҳо бо сипосномаи роҳбарияти Мақомоти иҷроияи ҳокимияти давлатии ноҳияи Восеъ, роҳбарияти Ҳилоли Аҳмар дар Ҷумҳурии Тоҷикистон, Раиси кумитаи иҷроияи ҳизб дар н.Фирдавсӣ ва сипосномаи Вазири тандурустӣ ва ҳифзи иҷтимоии аҳолии Ҷумҳурии Тоҷикистон муҳтарам Абдулозода Ҷ.А қадрдонӣ шудааст.
Раҳмоналиев О.Б. дар давоми фаъолияти кутоҳи кориаш дар таҳияи стратегияҳо, барномаҳо ва нақшаҳои миллии соҳавӣ фаъолона иштирок намуда, дар раванди корҳои омафаҳмонӣ ҷиҳати ба танзим даровардани истеъмоли ғизои солим ва пешгирии бемориҳои фарбеҳӣ, қадпастӣ, камхунӣ ва ғ., ки сабаби онҳо аз истеъмоли ғизо нодуруст аст, пайваста дар барномаҳои телевизионӣ иштирок менамояд.
Маълум аст, ки роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон тадбиқкунандаи сиёсати Ҳукумати олии кишвар буда, дар омода намудани кадрҳои ҷавон таваҷуҳи махсус зоҳир менамояд. Дар соли 2022 Раҳмоналиев О.Б ба сафарҳои омӯзишӣ ба Ҷумҳурии Узбекистон, Федератсияи Россия ва Ҷумҳурии Қазоқистон сафарбар карда шуд, ки аз курсҳои кутоҳмудат оид ба масъалаҳои ташкили ғизои аҳолӣ гузашта соҳиби ҳуҷатҳои байналмилалӣ гардид. Айни замон номбурда, иҷрокунандаи вазифаи директори МД “Маркази ҷумҳуриявии ғизо” таъин гардидааст.
Гуфтаҳои боло аз дониши амиқ ва маҳорати кордонии Раҳмоналиев О.Б. шаҳодат медиҳанд, ки ӯ пайваста меомӯзад, дониши худро такмил ва маҳорати кордониву ташкилотчигиашро сайқал дода, яке аз ҷовононе мебошад, ки тадбиқкунандаи сиёсати пешгирифтаи Асосгузори Сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аст. Дар муддати кутоҳи корӣ нишон дод, ки касби тиббӣ пешгирикунандаро, ки интихоби худаш аст хуб медонад ва онро дар амал тадбиқ карда метавонад. Раҳмоналиев О.Б. ба кор муносибати ҷиддӣ дорад, вазифаашро бо камоли масъулият иҷро менамояд. Дар баробарӣ ҳамаи гуфтаҳо, шахси некбину нексиришт аст, ки ин муҳимтар аз ҳамаи дараҷаи касбӣ аст. Ба бародари гиромиқадр Орзу Раҳмоналиев дар кору фаъолияташ мувафақиятҳои беназирро таманно дорем ва боварӣ дорем, ки содиқона ба халқу ваташ хидмат менамояд.
Маҳмудов Р.
Следующая публикация
Комментарии 2
Ссылка на приложение:
https://bit.ly/2RYL1vdLong Status Uploader & Saver — одно из самых популярных приложений для загрузки статусов WhatsApp. Эта функция позволит вам загрузить в свой статус любое длинное видео или даже полный фильм.