Предыдущая публикация
Ёлғизликка кўниб бўлган у,
Тегманг, тинчи ўзига керак.
Чин бўлмаса сиздаги туйғу,
Сиздан кейин оғрийди юрак!
Ёлғизликка кўниб бўлган у,
Бузманг яшар сукунатини.
Юзларида омонат кулгу,
Бахт қизғанган муруватини!
Тегманг унга, ҳолига қўйинг,
Обдон эзиб бўлган қисмати.
Ўтаб юрар минг йилдан бери,
Хижронларнинг оғир хизматин!
Кўнглингизни бунча тош қилманг,
Сирти бутун, ичи тўкилган.
Қоялардек тикдирсиз балки,
Унинг қадди ҳамон букилган!
Майли юрсин битта бечора,
Борлигини олманг сиз малол.
Битта қотил сўзингиз билан,
Тирилмайди қайта, эҳтимол!
Майли юрсин битта бечора...
Малика Салимова
Следующая публикация
Комментарии 21
Dardi yo'qmi sezmadingizmi.
Ko'zlar ko'rmas quloqlar garang.
Siz ayolni ezmadingizmi.
Kulganiga yaxshilab qarang.
Undan aslo bezmadingizmi.
Xayol surar xayolda arang.
Siz ayolni ezmadingizmi.
Kulganiga yaxshilab qarang.
O'zga bilan kezmadingizmi.
Keyin bekor keyin ko'p attang.
Siz ayolni ezmadingizmi.
Kulganiga yaxshilab qarang.
Dillariga chizmadingizmi.
Kulgusini aslo yashirmang.
Siz ayolni ezadingizmi.
Kulgu bilan yengib dardlarni.
Jim yig'larkan yolg'izgina jim.
Kutmas ekan sizdan xatarni.
Iltijolar qilar o'tinchin.