ჩემთვის იმედი ის არის-
თვალს რომ ვახელ და ცას ვხედავ!..
ქვეყნად უფალი რომ არის-
მიჭირს და მაშინ დამხედავს...
გულზე ჯვარი რომ მებნევა,
განა,არ არის იმედი?!
რამდენჯერ გული მეტკინა-
უფლის კართან რომ მივედი...
ნაბიჯი თუ ამერევა,
ხელს წამაშველებს უფალი...
უფლის მადლს ვინ მოერევა-
უფალი,თავის-უფალი!..
მზე ფანჯარასთან მოდგება,
სხივებით მომიკაკუნებს...
განა იმედი არ არის-
კავკასიონს რომ გავყურებ?!
განა,იმედი არა ხარ,
შენ,მეგობარო ერთგულო!..
იმდენი სითბო მხვდა წილად-
ცხოვრებას როგორ ვემდურო...
განა,იმედი არა ხართ შვილებო,
სხივთა სადარო?!
თქვენი თვალებით რომ მიცქერს,
უფლისოდენა სამყარო?!
განა,იმედი არ გქვია,
გულს რწმენავ გამოულევო?!
ჩემი ბაგიდან სიტყვებად-
ბოლომდე ამოუთქმელო!..
ღმერთმა იმდენი მიგზავნა,
განსაცდელიც და იღბალიც...
არასდროს დამავიწყდება
ჩემი მშველელი ვინ არის!...
განა,იმედი არ არის-
მომავლიდან რომ მიღიმის...
განა იმედი არ არის-
სურვილი რომ მაქვს ღიღინის...
ღმერთო,იმდს ნუ მომიშლი,
არ მქონდეს ცუდის ჯავრია...
ვინც გულით მეიმედება-
ყველას დასწერე ჯვარია!!!
//ია ნანეიშვილი//
Присоединяйтесь к ОК, чтобы посмотреть больше фото, видео и найти новых друзей.
Нет комментариев