Предыдущая публикация
Кынел, ачай, погалтышым ӱстелым,
Тол, шич, чаркам тыланет темалтем.
Лыжга мардеж модеш куэ парчаште,
Вашлиймыланна, витне, куанен.
Айда, ачай, подылына ме,, ошым".
Тый декет таче лӱмын толынам.
Ужам, тӧрлаш кӱлеш шӱгар капкатым...
Нелеш ит нал,тораште коштынам.
Тол, шич, ачай, пижыктена тамакым,
Тыланет лӱмын,, Примат" налынам.
Иктаж мом ойло, кеч иктаж шомакым,
Кузе тый тушто, каласкал мылам...
Айда, ачай, шыргыж, йомакет колто,
Шукертсек ом кол,, Левитан" йӱкет,
Иктаж мом шойышт, шупш да кокыралте,
Мылам лиеш эн ныжыл сем гай кокырмет.
Шич теҥгылыш, ачай, шич ваштарешем,
Мыят иктаж шомакым пелештем...
Ачай, ом волто, ом шӱктӧ лӱметым,
Мастар улмет шарнем да пагалем.
Йӱ пурл, ачай, мо уло ӱстембалне,
Йолташ-влакетым кычкырал пелен.
Тек илышыште йӧным пуэн шогышт...
Давай, ачай, эш(е) иктым темалтем...
В. Комаров. июль 2020 ий
Цопак
Следующая публикация
Нет комментариев