Предыдущая публикация
Җылы җәйләрдә тирбәлеп үскән
Өлгереп җитте кырлар уңышы...
Көзге һаваны меңгә телгәләп
Яңгырап узды шартлау тавышы.
Яуда өзелгән яугир җаннары
Кара болытлы күк йөзен кочты.
Шартлаудан өркеп, зур гына төркем,
Күктә каңгылдап, торналар очты.
Кинәт өзелгән яшь кенә җаннар,
Чиксез күкләргә ашып торалар.
Мәңгелек йортка юлларын ярып,
Яугир җаннары – оча торналар.
Яугир җаннары – яшь кенә җаннар
Үлемсез юлда мәңге калалар.
Көзен каңгылдап, дан җырын җырлап,
Болытлы күктә оча торналар...
Әрнүле яра йөрәктә яна –
Кара болытлы илебез күге.
Өметен өзми халыклар көтә,
Сугыш-афәтнең булырмы чиге?!
Присоединяйтесь к ОК, чтобы посмотреть больше фото, видео и найти новых друзей.
Нет комментариев