Дустының әтисе авылда көтмәгәндә вафат булган дигән хәбәрне телефоннан әйтүгә, шәһәрдә яшәгән улым тынып калды...Бераздан ул:
- Ринат бит иртәгә ялга авылга кайтырга иде...
- Өлгермәгән шул, улым .Ярты ел элек күрешеп киткән булган... Без уйлаганча дөнья бармый шул...
Улым кабат сүзсез калды...Мин дә уйга баттым...Балаларыбызны шәһәргә озатканда уйлыйбызмы икән, бәлки бу соңгы күрешүебездер дип?...
Сиздем,улымны да шул ук хисләр борчый иде...
Кичен кабат сөйләшкәндә:
-Без ,авылга кайтырга көннәр санап ,тилмереп торабыз.Айлар,еллар уза да китә.Шулай көтә -көтә вакыт та үтеп китә...Без булмаган арада авыл нык үзгәрә бара...Һәр кайтуга без белгән авылдашлар ,туганнар,күршеләр башка дөньяга күчкән була инде.Без аларны башка бер дә курмибез.Аларга алмашка без белмәгән балалар туа.
Без ,үскәндә,шәһәргә элек китеп урнашкан абзый-апаларны белми идек бит. Без киткәч туган балалар да безне шулай танымаслар.Авылдан шулай ерагая барабыз шул икән ..
Бу сүзләргә каршы мин бернинди дә җавап кайтара алмадым...Ризалашудан башка бернинди чарам калмады...
Йөрәгем сызланып куйды...Ә балам тагын ниләр уйлады икән???
Присоединяйтесь к ОК, чтобы посмотреть больше фото, видео и найти новых друзей.
Нет комментариев