Предыдущая публикация
Замон кетди илдамлаб,
Атроф тўла гул юзлар.
Пархездами билмайман,
Озиб кетди кўп қизлар.
Бозорларда сотилмай.
Қўйдими кенг кийимлар.
Хон атласлар ўрнига,
Ярми очиқ буюмлар.
Қизлар кийган кўйлаги,
Турар таранг, зичгина.
Кўпиники ўзига.
Икки размер кичкина.
Бугун қора сочли қиз,
Сап-сариқдир эртага.
Сўрашганда ботсин деб,
Тирноқ қўяр жўртага.
Замонавий қизларнинг,
Майликуя кўплиги.
Лекин, нега дўконда,
Сотиляпти киприги.
Тўла атир уппага,
Қанор қопдай сумкаси.
Бир қаричдан ошмайди,
Узун деган юпкаси.
Ёпишвоган кўп қизлар,
Сотка деган матохга.
Гаплашишар тонгача,
Кириб кетса ётоққа.
Бўйдоқлар хам қизларга,
Синчиклаб боқар секин.
Нима қилсин кўзи хам.
Линза бўлиши мумкин.
Хаттоки акалар хам,
Қизларни туш кўряпти,
Сўнг хотинлар эрини,
Ўқлов билан уряпти.
Акалар не чоллар хам,
Ўйга ботиб қоляпти.
Қизга қараб масчитдан,
Ўтиб кетиб қоляпти.
Бунчалар хам бешавқат,
Замон бўлди ёронлар.
Ростин айтсанг ортингда,
Ўтирволиб ёмонлар.
Европача кийимдан,
Исломийси яхшику.
Атлас кўйлак ва рўмол,
Қизларимиз нақшику!!!
Следующая публикация
Комментарии 8