Ո՛չ արցունք, ո՛չ լաց,՛ ոչ էլ ափսոսանք:
Մահիցս հետո դուք ինձ մի հիշեք,
Թե պիտ այս կյանքում տեղս մոռանաք:
Թե պիտ այս կյանքում հոգիս
Մղկտա մենության ցավից,
Իմ ինչի՞ն է պետք մի պերճ
Մահարձան սառը մարմարից:
Ձեր ջերմությունը ուզում եմ հիմա,
Երբ ապրում եմ, կամ,
ՈՒզում եմ կյանքից ձեր անհուն
Սիրուց հագեցած գնամ:
Ոչինչ նյութեղեն երբեք
Չեմ ուզել, չեմ էլ ուզելու:
Միթե ոսկին է դատարկված
Հոգու բացը լցնելու:
Ես այն եմ ուզում, ինչ
Տվել եմ ձեզ. և ոչինչ ավել,
Հիմա եմ ուզում, մահիցս հետո
Պետք չէ ինձ սիրել:
ՈՒզում եմ խոսքս հիմա՛
Հասկանաք ու արժևորեք,
Մահիցս հետո ամեն բառիս մեջ
Իմաստ չփնտրեք:
Շատ բան չեմ ուզում,
Ես այն եմ ուզում. ինչ բոլոր մարդիկ,
Քիչ սեր եմ ուզում,
ՈՒզում եմ լինել մի քիչ երջանիկ:
Սիլվա Գուլանյան
Присоединяйтесь к ОК, чтобы посмотреть больше фото, видео и найти новых друзей.
Комментарии 61