Լռի՛ր, թե նոր ցավ հոգուդ չես ուզում,
Մարդիկ նոր մեղքեր գլխիդ կբարդեն
Իրենց մեղքերը հերքելու գործում։
Թե արցունքները կոկորդդ խեղդեն,
Մի թաքուն տեղում լաց եղիր անձայն,
Դառն արցունքներով վերքերդ սրբիր,
Թող ցավիդ մասին մարդիկ չիմանան։
Մարդիկ քո ցավն էլ զենք կդարձնեն,
Որ այրված հոգուդ նոր֊նոր ցավեր տան։
Ուրացողներից սեր մի սպասիր,
Ուրացողն հազիվ քո հոգուն լույս տա։
Ամեն ժպտացող բարեկամդ չէ,
Ամեն ժպիտի հոգիդ մի բանա։
Քաղցր խոսքերով երբ միտքդ բանտեն,
Հոգիդ խոցելը դյուրին կդառնա։
Այս կեղծ աշխարհում անեղծ լույսի շող
Զու՛ր ես փնտրում, վիրավո՛ր հոգի։
Ինքդ քեզ կյանքում ընկեր դարձրու,
Չէ՞ որ լոկ դու՛ ես միայն քո կողքին։
Քեզ ցավեցնողին ներիր, բայց հիշի՛ր,
Որ նա կարող է քեզ նոր ցավեր տալ։
Թե խոցեն հոգիդ էլի ու էլի,
Ներիր, բայց այդժամ դու հեռու մնա։
Ճանաչի՛ր կյանքը ու ընդունի՛ր այն,
Փորձիր հարմարվել կյանքին իրական։
Քո անուրջների հեքիաթ կյանքի հետ
Մի՛ համեմատիր ու մի՛ դառնանա։
Սիլվա Գուլանյան
Присоединяйтесь к ОК, чтобы посмотреть больше фото, видео и найти новых друзей.
Комментарии 2