Предыдущая публикация
ПРЫЕМНАГА ЧЫТАННЯ!
Шаноўныя сябры! Набліжаецца Міжнародны дзень роднай мовы, які адзначаецца 21 лютага з 2000 года. Паводле ацэнак ЮНЭСКА палова з 6 тысяч моў свету знаходзіцца пад пагрозай знікнення. На Гродзеншчыне ўвесь наступны тыдзень будуць праходзіць мерапрыемствы, прысвечаныя роднай мове беларусаў. Рыхтуючыся да іх, сёння я напісала новы верш на роднай мове (пад уражаннем нечаканага дыхання вясны).
НЕ ТРЭБА ПРЫМУШАЦЬ!
Не трэба прымушаць сябе любіць,
Не варта муштраваць сябе кахаць.
Вы паспрабуйце проста ў свеце жыць,
І яркіх зорак з неба не хапаць.
Спрабуйце зараз, з сённяшняга дня,
Адчуць сваё зямное прыцяжэнне.
Няхай сабе памучыцца радня,
Як рэгаваць на гэткае здарэнне.
Вам хочацца ў свой домік ля ракі,
Тым часам як усе ляцяць да мора?
Вы скажаце: жывуць так дзівакі.
Затое там у вас свая прастора.
Вам хочацца на ровары руліць,
Чытаць старонкі кніжак і газетаў,
І хоць на дзень, як мовіцца, "забіць"
На сквапную залежнасць ад гаджэтаў.
У чым затрымка, другі-спадары?
Хіба ўсё гэта цяжкае заданне?
Вы створаны самім сабе дарыць
Усё што сёння ёсць, а не чаканне.
Тамара МАЗУР
17.02.19
Следующая публикация
Комментарии 24