იმ ღამესაც უცნაური სიზმარი ესიზმრა ანანოს:
ყორანი მის გვერდით იგდა , ხელი ჰქონდა გამოწვდილი თითქოს წაყოლას სთხოვდა. მდინარის გადაღმა ანანოს დედა იდგა და სევდიანი თვალებით უყურებდა მათ.
ანანო დედისკენ შებრუნდა და მათ შორის ბავშვობაში ნასწავლი ლექსით საუბარი გაიმართა:
-სიზმრად ვნახე თეთრი გედი... ნეტავ, დედა, რაო
სანთლები და მგალობლები... ნეტავ, დედა, რაო
დედი, დედი, თეთრი გედი სულ მე მედარაო,
ფრთას მიქნევდა... და მღეროდა... ნეტავ, დედა, რაო?
- თეთრი გედი მღეროდაო ვაჰ, შენს დედასო!...
შენც სიმღერით მომიკვდები... ვაჰ, შენს დედასაო!
- ვითომ ჩემი თეთრი კაბა ტალღებს ეფარაო,
შავს მიჰქონდა მდინარესა... ნეტავ, დედა, რაო?
- თეთრი კაბა წყალს მიჰქონდაი ვაჰ, შენს დედასაოი
შვილო, შავეთს გათხოვდები... ვაჰ, შენს დედასაო!
(შ. ნიშნიანიძე)
მდინარეზე კი ნისლი წვებოდა და დედაც ნელ- ნელა თვალს ეფარებოდა...
ანანოს დაზაფრულს გამოეღვიძა , ხასიათწამხდარს. ხელი დაავლო ნემუსის და გულში ჩაიკრა. მისი სითბო და სიფაფუკე ეამა.
- არ მომწონს ყორანი ნემუსა! მეშინია მისი!- ჩურჩულით უთხრა ფისოს.
- მისგან თავი შორს უნდა დავიჭირო!- გადაწყვიტა და ცოტა დამშვიდდა.
მერე იმაზე დაფიქრდა, წინა საღამოს სახლში როგორ მივიდა, მაგრამ ვერაფერი გაიხსენა . ყველაფერი ისევ სასმელს დააბრალა.
-არასდროს გესმის ნემუსა , არასდროს დავლევ ამდენს!-სე დაჰპირდა კატას, როგორც ადამიანს.
დასვენების დღე ჰქონდა. ჯერ დედას დაურეკა და მთელი საათი ეჭორავა. თუმცა ნანახ სიზმარზე სიტყვაც არ დასცდენია.
შემდეგ სახლს მიხედა, ყვავილები მორწყო,
დანამა, ფოთლები გაუპრიალა. უყვარდა სახლი სიმყუდროვით , მზით და სინათლით რომ იყო სავსე. ის ორი დღე გემრიელად დაისვენა, წიგნები იკითხა, მუსიკას უსმინა და ძალები აღიდგინა.
ანანომ საღამოს ტელეფონი აიღო, აივნის კუთხეში დაკიდულ სკამ- საქანელაში ჩაჯდა და სოც. ქსელის ჩაჰყვა. უცებ პოეზიის რომელიღაც გვერდზე ხალხურ ლექსს მოჰკრა თვალი და ჩურჩულით ჩაიკითხა.
"მითხარი შავო ყორანო, ბედი როგორ მცდის ჩემიო?
მითხარი, რომ ავს ვერიდო ,
არსად დამიდოს ფეხიო.
შავო ყორანო გაფრინდი,
უფალთან თხოვნა წაიღე.
ვინც მიყვარს,
ის დაიფაროს,
ავმა არ ავნოს რაიმე.
შენ ყველა იცი ყორანო!
შენი ბუმბული დამითმე.
ვინატრო რამე სურვილი.
დავწვა ბუმბული ამიხდეს.
არ მითხრა შავმა ყორანმა,
რაგვარად მცდიდა ბედიო,
ომში საგმიროდ მიმავალს
კლდეზედ დამიცდა ფეხიო.
გადავემთხვიე ბეჩავი,
სული ამომდის, მშორდება.
ტიალი შავი ყორანი,
ნეტამც ჩემ ცოდვით
მოჰკვდება."
( არაა სინამდვილეში ხალხური, სახელდახელოდ მოვიგონე მე 😁)
წაიკითხა და დაფიქრდა. რას წარმოადგენდა ეს ყორანი? რატომ სთხოვდა მომავლის განჭვრეტას ლექსის ავტორი? ან რატომ დასწყევლა და სიკვდილი რატომ უსურვა?
უცნაურია ხალხური პოეზიაო!_ გაიფიქრა ანანომ და ტელეფონი გადადო. შაბათ - კვირა გავიდა. ემოციები ჩაცხრა და ორშაბათს ანანო ისევ ის ანანო იყო, პოზიტიური , მიზანდასახული და კეთილი.
გაღვიძებისთანავე ენერგიული მელოდია შეარჩია. ისაუზმა, ყავა ჭიქა-თერმოსში ჩაისხა. ნემუსის მიეფერა და სამსახურში წავიდა.
ოფისში შევიდა და ლიფტებს რომ მიუახლოვდა ის დაინახა. შეცბა, ნაბიჯი შეანელა. ისევ შავები ეცვა , თავდაჯერებული, მშვიდი და ცივი ჩანდა . მარტო იდგა და რაღაცას ელოდა და ერთი შეხედვაც საკმარისი იყო, მისი უცნაური სილამაზე რომ დაენახა შეცბუნებულ ანანოს. მისი ლიფტი მოვიდა, კარი გაიღო , მაგრამ პირქუში მაშინვე არ შესულა. თითქოს იცდიდა. ანანოს კარგად ახსოვდა, მისთვის თავის არიდებს რომ დაჰპირდა ნემუსას და მიუხედავად იმისა, რომ კატა იყო, მისთვის მიცემული სიტყვის გატეხვას არ აპირებდა.
უცებ ყორანმა მოიხედა და გოგოს პირდაპირ თვალებში შეხედა. ისეთი გამჭოლი და მბრძანებლური მზერა ჰქონდა , ანანოს სურვილმა მოუარა, ისევ ეგრძნო მისი სიახლოვე. კიდეც გადადგა ერთი ნაბიჯი , მაგრამ სიჯიუტეს მოუხმო და აიძულა საკუთარი თავი ადგილზე გაჩერებულიყო.
ყორანმა წარბი გაოცებით ასწია. თითქოს სხვა რამეს მოელოდა ანანოსგან. შებრუნდა და ლიფტში შეაბიჯა. ანანომ შვებით ამოისუნთქა.
რაღაც საბუთები ჰქონდა სასწრაფოდ სათარგმნი და სმუშაოში ცხვირი რომ ჩაჰყო ,
შესვენებაზე ლიაკომ სამნამ არ შეუძახა:
-წამო ვისადილოთო.- იქიდან არ ამოუყვია.
გოგონები სასადილოში ჩავიდნენ.
-ვაა, დღე სასწულით გრძელდებაა!- ჩაიხითხითაა თიამ და გოგოებს თითით დარბაზის განაპირას მდგარ მაგიდაზე მიუთითა.
-თავად პირქუში ბრძანდება აქ.
ანანომ მის თითს თვალი გააყოლა და მათგან ოდნავ ზურგშექცევით მჯდარი უფროსი დაინახა.
წინ თეფში ედო და ჩანგლით ციცქნიდა საჭმელს. ერთი ორ ლუკმას თუ ჩაიდებდა პირში და უგემურად ღეჭავდა. ეტყობოდა ხასიათზეც ვერ იყო. ან საერთოდ იყო კი ოდესმე ხასიათზე?
- რატომ მეშინია შენი ყორანო!-მას მიმართა ფიქრებში. მან კი თითქოს პასუხად თავი ოდნავ მოაბრუნა. გოგონა შეკრთა. მაგრამ ისევ შემთხვევითობა იფარა ფარად.
-მართლა რა ძალიან მაგონებს ამ ფრინველს. -თქვა უკვე ხმამაღლა.
-რას? ვინ?- დაიტერესდნენ გოგოები.
-ჩვენი უფროსი გოგოებო, არ ფიქრობთ, რომ რაღაცით ყორანს ჰგავს?- ჰკითხა გოგოებს.
- რაა? -გაუკვირდათ მათ ერთხმად.
-ჩაცმის სტილს თუ გულისხმობ, თორემ რა ყორანი? საოცრებაა!სრულყოფილებაა-!თქვა თიაკომ .
ყორანი თითქოს დაიძაბა ანანოს მოეჩვენა, მათ საუბარს უსმენდა და რამდენადაც ეს მანძილის გამო შეუძლებელი იყო უბრალოდ მხრები აიჩეჩა.
- გოგოებო აქამდე არ მიკითხავს და რა ჰქვია სინამდვილეში?-თავით უფროსისკენ ანიშნა ანანომ მეგობრებს.
-უტა ჰქვია.-უპასუხა ლიამ. - ასეთი პირქუში და უჟმური რომ არ იყოს, საოცრება იქნებოდა პირდაპირ არა?
აღიარება არ უნდოდა რატომღაც ანანოს , თორემ თავადაც ბევრჯერ გამოიჭირა მისით აღფრთოვანებული საკუთარი თავი .
- მადლობა მინდა გადავუხადო.- თქვა მორცხვად თიაკომ-მაგრამ მეშინია მისვლა.
-გეშინია?- ჯერ ირონიულად თქვა ანანომ და მერე საკუთარ ნათქვამზე დაფიქრდა.
-მოდი ერთად მივიდეთ!- მონახა გამოსავალი.
გახარებულმა თიამ თავი დაუქნია და ის _ის იყო ფეხზე წამოდგნენ , რომ ყორანი სწრაფად ადგა და უკან მოუხედავად დასტოვა სასადილო.
- უხეში!-თქვა გაწიწმატებით ანანომ.- გეგონება გაიგო არა?- შეეკითხა გოგონებს.
- შეუძლებელია , რანაირად?-თავი უარის ნიშნად გააქნია ლიამ.
-რატომ მგონია, რომ არ მოგწონს,ჰა?- დაინტერესდა, როცა ანანოს გაბრაზება შეამჩნია.
-მომწონს ? არ მომწონს? რა აზრი აქვს? მედიდურია , უხეში, მბრძანებლური. ნამდვილად არაა ოცნების კაცი!-ირონიულად უთხრა ანანომ გოგოებს.
- სამაგიეროდ რა ლამაზია!-დანანებით გააქნია თავი თიამ. თითქოს ამ თვისებების გამო სწუნობდა მხოლოდ.
დაღლილობისგან თავი სტკიოდა ანანოს. ერთი სული ჰქონდა სახლში როდის წავიდოდა, როცა მოულოდნელად გიორგიმ ამცნო :
_უფროსს შეხვედრა აქვს ფრანგ პარტნიორებთან და თარჯიმანს ითხოვსო.
- რომელ უფროსს?- დაინტერესდა ანანო.
- იმას!- საჩვენებელი თითი მაღლა აღმართა გიორგიმ.
- აბა შენ იცი, არ შეგეშინდეს!- გაეხუმრა ანანოს.
- პირველად მიდიხარ ხო მის კაბინეტში?- ანანომ თავი დაუქნია.
- ჰოო კარგად იხალისებ მაშინ!-ნახევრად სერიოზულად და ნახევრად ღიმილით უთხრა გიორგიმ. მერე ხელით ისეთი მოძრაობა გააკეთა, მისტიურ ფილმებში შესაშინებლად რომ აკეთებენ და დაბოხებული ხმით დააყოლა :
-უუუუუუუ!_
ანანოს გაეცინა და დავალების შესასრულებლად გაემართა.
ყორნის ანუ უტას კაბინეტი სულ ბოლო სართულზე იყო.
"როგორც მბრძანებელს შეეფერება!" გაიფიქრა ანანომ გულში დამცინავად. მდივანს ვინაობა მოახსენა და მოსაცდელში დაჯდა. ორ წამში დაუძახეს "შებრძანდით ბატონი უტა გიხმობთო." ანანომ უხალისოდ შეაღო კაბინეტის კარი , შეაბიჯა და გაოცებული გაჩერდა.
კაბინეტი გემოვნებით იყო მოწყობილი, მაგრამ უცნაურ საშიშ ელფერს ატარებდა. შავი კედლები და თეთრი ავეჯი ისეთ კონტრასტს ქმნიდა, სახელსაც რომ ვერ უძებნიდა ანანო.
მხოლოდ უტას სავარძელი იყო წითელი და დიდი, თითქოს მბრძანებლის ტახტის მოგაგონებდა. ანანომ კარი დახურა და ფრთხილი ნაბიჯებით შეაბიჯა ოთახის სიღრმეში. ერთადერთი ნათელი წერტილი სურათი იყო კედელზე. დიდი ტოტებგაშლილი ხის ქვეშ გაქანებული საქანელა ეხატა, მასზე თეთრ კაბაში ჩაცმული გოგონა ზურგით იჯდა, ხელები გაეშალა, თითქოს გაფრენას აპირებდა. თავი უკან გადაეწია და მზის სხივებით განათებულს ქარი უფრიალებდა გაშლილ თმას.
დეჟავუს გრძნობამ მოიცვა მთელი მისი არსრბა. მონუსხულივით მიუახლოვდა სურათს და ქვემოდან ახედა. თითქოს ასეთი რამ ადრე უკვე ენახა. არა, ენახა კი არა, ეგრძნო.
თითქოს თავად იყო იმ სურათში. უცებ შეცბა, ხის ტოტზე, რომელზეც საქანელა ეკიდა, დიდი შავი ფრინველი იჯდა და გოგონას უყურებდა.
- ლამაზია არა?- თითქოს არსაიდან გაჩნდა უტა მის ზურგს უკან.
ანანო მოულოდნელობისგან უცბად მობრუნდა და ზუსტად მის წინ აღმოჩნდა.
ძალიან ახლოს, ისე ახლოს, რომ მის თვალებში საკუთარი ანარეკლი დაინახა. უცებ კიდევ უფრო გაოცდა. ის ცივი ნაცრისფერი თვალები, ასე რომ აშინებდა გოგონას, ოქროსფერი ცეცხლით უელავდა .
" ყორანი!" ისევ გაიფიქრა ანანომ.
ვე რა
Присоединяйтесь к ОК, чтобы посмотреть больше фото, видео и найти новых друзей.
Нет комментариев