Му башанд рафиқард
Аҷаб хахъ дарthи сар, новахти живҷахъ,
Қилапат пӯнд хъикар, новахти живҷахъ.
Ди ширини арангат ҷӯн, ширин,
Тилу шаҳдат шакар, новахти живҷахъ.
Рициthтов дузд пи дузд аз буц балаят,
Нисертов thар пи thар, новахти живҷахъ.
Ху пӯнд пейдов, ху пӯнд йет чид, ху пӯнд вид,
Рамеthат дар сафар, новахти живҷахъ.
Ақоб дастур йи мефъ лӯви ба бӯна,
Фирох ног сӯд ту пар, новахти живҷахъ.
Йу роҳат кайата орӯми каданд,
Ца шуthардат ца хъар, новахти живҷахъ.
Бағер лу шич му анҷен йо ку соти,
ТУ ҷӯн хахъ дар хатар, новахти живҷахъ.
Йидо живҷахъ, ху дирд чора-т илоҷ нист,
Ди най, орӯм мар, новахти живҷахъ.
Раҳим новахти живҷахъ лӯд ху дустард,
Хубаф ю дар ҳазар, новахти живҷахъ.
7 июл 2022-юм сол
Присоединяйтесь к ОК, чтобы посмотреть больше фото, видео и найти новых друзей.
Комментарии 8