Предыдущая публикация
Yardımlıların!
Bura Yardımlıdır göylərə yaxın,
Gəlin gözəlliyə yaxından baxın,
Doğmadır qəlbimə yaxından-yaxın,
Süfrəsi halaldır Yardımlıların!
Bürünüb çiçəyə dərəsi-dağı,
Dupduru göz yaşı axan bulağı,
Arvana,Peşdəsər,Deman yaylağı,
Süfrəsi halaldır Yardımlıların!
Bura valeh edər gələn hər kəsi,
Gəzdikcə dağları artar həvəsi,
Ruha qida verər azanın səsi,
Süfrəsi halaldır Yardımlıların!
Bir başı Alardı,bir başı Zevin,
Qibləyə tikilir üzü evlərin,
Görünməz burada izi kədərin,
Süfrəsi halaldır Yardımlıların!
Vergədüz,Perimbel,bilinməz yaşı,
Qızıldan qiymətli buranın daşı,
Hacının dərmanı təkcə Xan daşı,
Süfrəsi halaldır Yardımlıların!
Следующая публикация
Комментарии 12
safdı, halaldı. Duyan qelbin var olsun, el oğlu!