Предыдущая публикация
Икона Божией Матери «Остробрамская Виленская»
Празднование: 8 января
Ангел с небесе послан бысть рещи Богородице: Радуйся! Мы же, земнороднии, дивящеся воплощению от Тебе Сына Твоего и Бога нашего, дерзаем воспевати Тебе сице:
Радуйся, благодатная Богородице Дево;
Радуйся, преблагословенная в женах.
Радуйся, яко Спаса родила еси душ наших;
Радуйся, яко Свободителя явила еси нам.
Радуйся, небесе и земли Царице;
Радуйся, яко превышши еси всякаго создания.
Радуйся, ангелы на небеси чтимая;
Радуйся, человеки на земли прославляемая.
Радуйся, яко пришедши ко Елисавете, Сама прорекла еси: «Отныне ублажат Мя вси роди»;
Радуйся, яко воистинну вси роди до ныне Тя непрестанно ублажают.
Радуйся, верно Тя величающим помощь скорую дарующая;
Радуйся, чудотворными Своими иконами, яко солнцем, светящая.
Радуйся, Владычице, иконою Твоею Остробрамскою благодать и милость нам являющая.
Следующая публикация
Комментарии 1