Предыдущая публикация
Праведные Иоаким и Анна, родители Пресвятой Богородицы
День памяти: 22 декабря - Зачатие праведною Анною Пресвятой Богородицы
Богосве́тлую звезду́ я́вльшую Со́лнце Пра́вды Христа́ Бо́га, Пресвяту́ю Богоро́дицу, пло́тию роди́ти сподо́бистеся, и вожделе́нное и́мя Богооте́ц прия́сте, Иоаки́ме и А́нно всеблаже́ннии, о Ея́же рождестве́ святе́м не́бо и земля́ возра́довашася, и весь род челове́ческий освяти́ся, вопия́ ди́вному во святы́х Свои́х Бо́гу Изра́илеву: Аллилу́иа.
Ра́дуйтеся, ко́рене Дави́дова святопроцве́тшия ро́зги виногра́да живо́тнаго;
ра́дуйтеся, ро́ждшии Дщерь, от всех родо́в Преблагослове́нную.
Ра́дуйтеся, вопло́щшагося Сы́на Бо́жия прароди́телие всечестни́и;
ра́дуйтеся, та́инства, от ве́ка утае́ннаго, прояви́телие всеизря́днии.
Ра́дуйтеся, уте́хи Изра́илевы ближа́йшии по пло́ти сро́дницы;
ра́дуйтеся, обетова́ннаго ми́ру Спаси́теля единокро́внии ю́жицы.
Ра́дуйтеся, святи́и и пра́веднии Богоотцы́ Иоаки́ме и А́нно.
Следующая публикация
Комментарии 1