ƏCƏL AĞUŞUNA ALIB APARDI...
Dünən, 21 oktyabr 2024-cü ildə Muşevani (Dəllər) kənd sakini Sevinc Fərizxan qızı Əliyeva səhər saatlarında uzun sürən xəstəlikdən sonra 37 yaşında dünyasını dəyişdi. O, 13 noyabr 1987-ci ildə keçmiş Gürcüstan SSR-nin, Bolnisi rayonunun, Muşevani (Dəllər) kəndində anadan olub. 1993-cü ildə Muşevani orta məktəbini 1-ci sinfinə qəbul olunub və 2003-cü ildə bitirib. Bir neçə vaxtdan sonra çarəsiz yataq xəstəliyə tutuldu.
Sevinc xanım məktəb illərində səliqəli, yoldaşları arasında sevilən, hörmət edilən, səmimi və mehriban, sakit və tərbiyəli, müəllimlərin sevimli şagirdi idi. Yeniyetmə dövründən taleyi üzünə gülmədi. Sevinc xanım ömrünün sonuna kimi xəstə yatdı. 2023-cü ildə atası Fərzxan dünyasını dəyişəndən vəziyyəti get-gedə ağırlaşdı.
Sabah 22 oktyabr 2024-cü ildə Sevinc Əliyevanın nəşi Dəllər kənd qəbiristanlığında torpağa tapşırılacaq.
Sevinc xanım dünyasını dəyişsə də, hörmətlə yad edilir, xatirəsi əziz tutulur. Kənd camaatı adından mərhumənin ailəsinə, doğma-əzizlərinə dərin hüznlə başsağlığı verir və səbir diləyirik. Allah rəhmət eləsin. Məkanı cənnət, ruhu şad olsun! Amin!
Bir neçə ağını keçmiş şagirdim və sevimli elqızım Sevinc xanımın əziz xatirəsinə ithaf edirəm.
...Bəxti kəm,
Taleyi kəm, bəxti kəm.
Yaşamağa qoymadı
Fələk mənə baxdı kəm.
...Əsdi, neylim,
Dərd yeli əsdi, neylim.
Əcəl bağrım başını
Doğrayıb kəsdi, neylim.
...Həzinəm,
Kədərliyəm, həzinəm,
Mən elə oxlanmadım
Bir də durub gəzinəm.
...Gəzəmmirəm,
Şadlanıb süzəmmirəm.
Həyat necə şirindir
Əlimi üzəmmirəm.
...Ox gördü,
Kaman gördü, ox gördü.
Bu ömürsüz ömrümü
Fələk mənə çox gördü.
...Başa məni,
Dərd çəkdi başa məni.
Fələk heyfini alıb
Döndərdi daşa məni.
Присоединяйтесь к ОК, чтобы посмотреть больше фото, видео и найти новых друзей.
Комментарии 6