Предыдущая публикация
Ватан .
Жезвайвиляй дердер кьезил,
Жуванбурун арада.
Хуш кар я заз кlвачер кьецlил,
Тун , Ватандин кьарада.
Лугьумир заз ,гъурбат гадра,
Вун Ватандиз буржлу я.
Залум кьисмет,килиг садра !
Инсандилай гужлу я.
Писни-хъсан зазни хас я,
Чина шелни- хъвер авай.
Ватандикай магьрум кас я,
Зайиф рик/е хер авай.
Акур чlавуз вун мублагь яз ,
Шадвиляй зун хъуьреда.
Герек хьайтlа ,эвера заз,
Катиз-катиз хуькведа.
Багьа я заз зи хайи чил,
Булахрай йад гайи заз.
Къаних жез ,вахъ гала зи вил,
Диде-ватан хьайи заз.
Чан гъурбатда,руьгь элкъвезва,
Гьахьиз дерин дерейра.
Тур лишанрихъ мад къекъвезва,
Жегьил чlаван берейра.
2008 - йис
Гюльжагьан Мисриханова.
Следующая публикация
Нет комментариев