Предыдущая публикация
Васіль Філіповіч СЭРЦАЎ СОК
Неба ў кветках, нібы верасок.
Веснавое, бо без берагоў.
Сонцаў сок ручаямі пацёк,
Ды чакаў я зусім не яго.
Як прыгожа ўбраўся гаёк!
Па-над рэчкай вясёлка дугой.
Сярод жыта зацвёў васілёк,
Ды чакаў я зусім не яго.
З халадоў пляце восень плыток
І плыве па начах да стагоў.
Закружыўся барвовы лісток,
Ды чакаў я зусім не яго.
На парошы друкуецца крок.
Я іду па паперы снягоў.
Прыляцеў да мяне снегірок,
Ды чакаў я зусім не яго.
Я чакаю шмат дзён і начэй
Погляд верна-пяшчотных вачэй!
Следующая публикация
Нет комментариев