Предыдущая публикация
Эрьва валске - эрзянь валкске
Теле - зима
Лембе - тепло, тёплый
Тедиде - в этом году
Кичкере - кривой
Пильге - нога
Атя - дед
Мель - мысль, мнение
Сельме удалга - за глаза
Тувтал - причина, предлог
Лембелгадома - потепление
Гайкстынь - я позвонил
Мекс тедидень телесь истямо лембе?
(Кичкере Пильге Онта атянть мелезэ)
Гайкстынь Силя Онтанень, конань минек велесэ лемдить сельме удалга Кичкере Пильге Онта.
Кортынек-теинек кода пачк, шумбрачиде, велень эрямодонть, кие кулось, кие чавовсь неень торп...сэнть, кие тосо кулявтомо ёмась, кинь ды мекс кудозо палсь, лиядо-мезде...
Кортамонок прядома ёнов ледстинек тедидень теленть. Мекс сон ней истямо лембе?
Онта атя мерсь: келя, нама, тувталось васняяк Мода венельксэнть лембелгадомасо. Атясь эрямонзояк секень вант эризе, ансяк эрямопингензэ перть васенцеде неи якшамковонь пиземеть.
Мейле козкастась, таргизе оймензэ ды поладызе мелензэ:
- Лия тувталтнэяк улить. Васняяк ловикая-онкстыкая, зяро сезнемапельть колмо иетнень перть перть торп...сэнть сезевсть? Эрьва сезевкссэнть толонь псидеденть - ламодо ламо. Сезевкстнэнь пситне-толнэ полавтыть варматнень пувамо-чарамо ёнксост, мода лембенть менелев кепетемензэяк. Секскак иневедень лембе коштось кармась пачколеме Эрзянь Масторов мики телень куншканеяк. Те канды зыян эрямопельксэнтень, идем ракшинетненень, пачинетненень, нармушкатненень. Сынь кельмсить эензавтозь ловонь кувонть ало, седе сеедьстэ ормалгалить, мик кулсить-врадокшнытькак.
Кизэтнеяк ней пек коськеть, пиземевтеметь. Модась норов а максы, а чачты.
Омбоце тувталоськак ули. Зяро ломанть маштовсть торп...сэнть? Тёжань тёжат, тёжань тёжат... Сынст лембе-пси ойметненень ков туема? Нама, менелев, Инешкипазонтень. Маштозь-чавнозь ломантнень ойметнеяк эждизь менеленть, менель ёжонть. Секскак мик тельня ней тосто пры аволь лов, пизи пиземе. Ды виде-паро, те аволь пиземеяк. Те Инешкипазось сельведензэ правты чумовтомо маштозьтнень кис. Секс ловонть таркас ней тельня пизить пиземеть...
***
Эрюш
Следующая публикация
Комментарии 7